البنت كبرت عايزينلها عريس ياجدعان

واتدورت واتنورت بقت صوره بالألوان

أهوجاء فارسها راكب ع ضهر حصان

قال أنا قديها وجاهز بشقه وعقد أمان

قالوا مهرودهب وقايمة عفش كمان

قال يادين النبى !! داجواز وللا لومان

مهرو دهب مافيه إكتبو بالقايمه ضمان

أبوها قال (دىجوهره) مامثلها نسوان

الفارس مضى وبصم بالعشر صبعان

خد عروسته ومشى ودقوا له بالطيران

وفرحوا ورقصوا وهاصوا الأهل والجيران

وتمت الفرحه . وحسدوه كل الشبان

خلص شهر العسل عشر أيام بتمام

راح شغله ورجع مهدود الحيل وتعبان

قال هاتى غدا . ردت ماطبخت حدالأن

ماطبختى !!!ليه ماطبختى يابت فلان

ياللى امك وأبوكى فيهم مافى الحيطان

قالت صبرك علي البوتاجاز دا عطلان

روح هات الصيانة و الأكل من الدكان

الأمرلله طعميه وفول وكل شى إنكان

وتانى فين القميص ال بالدولاب هناكان

هيا : ولاعارفه . يمكن يكون حدا الجيران

طب ليه يابت الناس ؟ قالت أغلط كمان

كلمه منه . كلمه منها . وقادت النيران

فيك وفيك فيكى وفيكى وطالق كمان

فيه مؤخر ودهب وقايمه وشقه رهان

واترفعت قضاياهم فى المحكمه وديوان

وفضايح لرب السما ومدد يابوو القفطان

وكل الخليقه سمعت واتدخلوا الجيران

أخدت مهرها والعفش وسابت الإنسان

العفش أهو أتكسر والعمر صار تلفان

وهوا حيبتدى تانى وقدامه كتير أزمان

لاهما عاشوا فى هنا ولاعمروا أكوان

لاستفادوا بعمرهم أوعفشهم ولابذران


القايمه دى عفريت عملناه وشيطان