تويت
دموع التراب
الارض ناحت وبكات
شحال دوات وحكات
نار كادية فَ اعماقي
لهابة شاعلة فَ عروقي
من اقدام نتينة وطاتني
ناس خاينة خذلتني
ونفوس مشرارة اغتاصبتني
من يطفي ناري
يهدأ مَ غْياري
ك نادي ونوح
على كل عرق فيا مجروح
فين الشيوخ ولجدود
اللي كتبهم التاريخ شهود
وقصاو لعدو م لوجود
فين الشرفة وْ لَجواد
اللي كانو معمرين لَبلاد
تَنْقَشْ على جبينهم لْهم
وسقاو الارض ب الدم
كانو شجعان
بترو لعديان
داسو بْ لَقدام عل لعصيان
سمعني التراب
توجع ودمى
درف دموع بْلا ما
سمعني السحاب
غَيّم ولىّ ظلمة
لبس السواد فَ السما
سمعني الشجر
تقصم لو الجذر
ذبالت اوراقو وما بقى لونها اخضر
سمعني الصخر
ذاب وانصهر
قاوم وتقهر
سمعني لخيل
بحْ مَ الصهيل
كمل بْ لعويل
سمعني بنادم
تازم وتالم
واش هو نادم على كل ما خْدم؟؟؟..
نجاة احسايني