ورقة سنفرة شعر / هشام الجوهرى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • هشام الجوهرى
    أديب وكاتب
    • 28-10-2012
    • 10

    ورقة سنفرة شعر / هشام الجوهرى

    من رطوبة الزمن
    والندى والطل
    وقعدتى ف الضل
    صديت
    مش لاقى ورقة سنفرة
    دفنت قلبى وحلمى معاه
    جوا نفس المقبرة
    وسنين طويلة
    وذكريات متبعترة
    وديون تقيلة ع الكتاف
    اللى عايشة ع الكفاف
    يلزمها ساعة ميسرة
    وذنوب كتيرة
    وقلوب أسيرة
    تتمنى لحظة مغفرة
    وشراقى زهقت م الجفاف
    عمالة تندب حظها
    الشق غوط جرحها
    والحر موت طرحها
    سترتها مكشوفة
    بتجرى مكسوفة
    ع المية ملهوفة
    مشتاقة ضلة زرعها
    تتمنى تستر أرضها
    بسترة أمل متخضرة
    ودعوة خالصة للمجيب
    فيستجيب
    ويهدى روح متحيرة
    بعد الضياع
    واللى ضاع
    واللى كان عامل شجاع
    واللى رد الصاع بصاع
    واللى ف أول أزمة باع
    بعد ما اتشال القناع
    بانت وجوه متغيرة
    وحاجات كتير متقدرة
    فوق الجبين متسطرة
    ودنيا كات متشطرة
    على قلب محروم م الحياه
    وبامر صادر م الإله
    تترد فيه الروح
    فيتولد الأمل
    ولادة كات متعسرة
    بس بره المقبرة
    وف
    وسط ضلمة
    تطل كلمة
    هيه الحياه
    حروفها كات متفسرة

    *******
  • سامية عبد الرحيم
    أديب وكاتب
    • 10-12-2011
    • 846

    #2
    الله على هذا الجمال والشجن
    ونبض الأمل الذي انتهى به النص
    أحسنت أستاذ هشام الجوهري
    تحياتي ودام نبض قلمك رائعا
    مــن دمــوعــي تــرتــوي الذكريــات
    مــن أنينــي ينحنــي جــذع الأهــات
    لا تسلْني هل مضى العمر استــراق
    إنــنــــي حــلـــمٌ بــــــلا مــــــأوى وزاد

    تعليق

    • جمال نصير
      أديب وكاتب
      • 06-07-2012
      • 522

      #3
      الله على الامل حين يسطر وحين يكون نبراس الحياة .. شكرا شاعرنا

      تعليق

      • هشام الجوهرى
        أديب وكاتب
        • 28-10-2012
        • 10

        #4
        استاذة سامية عبد الرحيم شاكر جدا لمرور حضرتك بكلماتى المتواضعة

        تعليق

        • هشام الجوهرى
          أديب وكاتب
          • 28-10-2012
          • 10

          #5
          استاذ جمال نصير مروركم بكلماتى شرف لى

          تعليق

          يعمل...
          X