تويت
يا ماكَالو عل لغرام...
يا ما كَالو عل لغرام
حروف ومعاني ب لعرام
نصها يقتل ونصها يداوي
الصغير ولكبير عليه داوي
لاتلومو لمكوي ب نارو
ف حبالو داب ماشي خاطرو
يا سالك هاذ الدرب رد بالك
من شوقو و سهرو تعود هالك
ف حياتك تالف لاصحة لاعقل
بالليل بالنهار طايش كيف لبْهَل
خوذ م لغرام غير ب لوقية
وإلاّ تغرق وتعود مكوي ب لكية
ليالو من ألف ليلة وليلة
نصها حيرة ودموع وكثيرها حيلة
حلاوة كلامو عسل شهدان
تطلع عليه الشمس عسل كَطران
دموعو ويل يغرق فيها كل حبيب نية
ما ضرب حسبة وما دار فْ راسو مزية
وجدة 11/8/2013
تعليق