تويت
ابغيت انسولك اراسي
مالك خاصمتيني
وخاصمتي انعاسي
وف ساحة لكلام تلفتي اقياسي
انا انسولك وانت رد
ما شافنا حد
ما اسمعنا حد
وما يكولها حد لحد
غير انا واياك
لا تهرب جاوبني عافاك
صرح
اتكلم
كول
لا اتخلي اجفاك يطول
راني هاز الضربة
ضربة مور ضربة
الذات اتجذب ابلا جذبة
الناس باللي ليها
وانا ف ذاتي ساكن غربة
اوساد راسها ركبة
وات ياراسي اموسد عتبة
كول ليا يا راسي
ولا اتخلليني انسول افلان وافلان
من ثوب ما اعرفتو احياتي ولا كتان
البست سبع الوان
ها لبيض
ها الصفر
ها لخضر
ها لزرق
ها لحمر
والسابع لوني مدبوغ بالف لون ولون
كول ليا ياراسي انا اشكون
واش نسوى ف هاذ الكون
مرة ابيض
ولبيض عند لعريس سعد
وعند الشادة حق الله نكد
ومرة اصفر
والصفر من الشمس اشعاع
قمحي اقبل ما يتدرى اتباع
ومرة اخضر
ولخضر اربيعو ينعش النظر
وانا البستو وف زاوية لوقت وليت انحضر
ومرة ازرق
ولزرق اصفا
فايض بالوفا
ولبحر يكول يا الداخلني عنداك تغرق
ومرة احمر
ولحمر اولادة وموت
واحد ياكل اللقمة ويتسنى الموت
وواحد ياكل الموت ويتسنى القوت
وانا قوتي اكتابة
لحروف اتجي دردابة
مللي اتشوف الدم سايل بين الخوت
ومرة اكحل
ولكحل واش هو لون
واش هو اظلام
وللا غير اسحابة وحاجبة الشمس باغمام
كول ليا ياراسي
مال مطفيتي وكحات
مال اعروق لرض جفات
والشتا ياك نزلات
وكلنا صافي اروات
ما اروات ما اسقات
والشوفة وسط هاذ الضباب ما اصفات
لكلوب ما اصفات
الخوا ما لبسات امحبة ما اتخاوات
زايدة ف اعنادها
انا انسولك وانت كول مالها
غير كول
عفاك كول واكشف اعلى حالها
عبد الفتاح بوهو
مالك خاصمتيني
وخاصمتي انعاسي
وف ساحة لكلام تلفتي اقياسي
انا انسولك وانت رد
ما شافنا حد
ما اسمعنا حد
وما يكولها حد لحد
غير انا واياك
لا تهرب جاوبني عافاك
صرح
اتكلم
كول
لا اتخلي اجفاك يطول
راني هاز الضربة
ضربة مور ضربة
الذات اتجذب ابلا جذبة
الناس باللي ليها
وانا ف ذاتي ساكن غربة
اوساد راسها ركبة
وات ياراسي اموسد عتبة
كول ليا يا راسي
ولا اتخلليني انسول افلان وافلان
من ثوب ما اعرفتو احياتي ولا كتان
البست سبع الوان
ها لبيض
ها الصفر
ها لخضر
ها لزرق
ها لحمر
والسابع لوني مدبوغ بالف لون ولون
كول ليا ياراسي انا اشكون
واش نسوى ف هاذ الكون
مرة ابيض
ولبيض عند لعريس سعد
وعند الشادة حق الله نكد
ومرة اصفر
والصفر من الشمس اشعاع
قمحي اقبل ما يتدرى اتباع
ومرة اخضر
ولخضر اربيعو ينعش النظر
وانا البستو وف زاوية لوقت وليت انحضر
ومرة ازرق
ولزرق اصفا
فايض بالوفا
ولبحر يكول يا الداخلني عنداك تغرق
ومرة احمر
ولحمر اولادة وموت
واحد ياكل اللقمة ويتسنى الموت
وواحد ياكل الموت ويتسنى القوت
وانا قوتي اكتابة
لحروف اتجي دردابة
مللي اتشوف الدم سايل بين الخوت
ومرة اكحل
ولكحل واش هو لون
واش هو اظلام
وللا غير اسحابة وحاجبة الشمس باغمام
كول ليا ياراسي
مال مطفيتي وكحات
مال اعروق لرض جفات
والشتا ياك نزلات
وكلنا صافي اروات
ما اروات ما اسقات
والشوفة وسط هاذ الضباب ما اصفات
لكلوب ما اصفات
الخوا ما لبسات امحبة ما اتخاوات
زايدة ف اعنادها
انا انسولك وانت كول مالها
غير كول
عفاك كول واكشف اعلى حالها
عبد الفتاح بوهو
تعليق