تويت
واحد من اهل الكهف 3
- خرجت من المقهي مفزوع موتور لا اعرف ماذا دهاني وانا اؤكد لنفسي ان الخطأ عندي لانه ليس من المنطقي ان يكون الشعب كله اتجنن بل من المنطقي ان العطب في شخصي ولكن لا استطيع تحديد اين العطل في جهازي العصبي والحسي ، لذلك قررت ان اعود للمنزل باسرع طريقه ممكنه فراجعت ما معي من نقود ووجدت انها تسمح بتحمل تكاليف توصيله بتاكسي ابيض ، فشاورت لاول تاكسي وجدته وصرحت له بوجهتي فامتعض قليلا ولكنه قالي اركب ، وبعد ركوبي كالعاده سائقي التاكسي عندهم خاصيه اشتهر بها الحلاقيين وهوكثره الكلام وباغتني وقال شاكلك نازل يوم 30 مش كده ؟ تجولت في عقلي لاجد فيه اي حدث مهم في هذا اليوم فلم اجد سوي انه مرتبط بالحرائق التي تحدث في المصالح احكوميه والمخازن العموميه قبل عمليه الجرد السنويه، فقلت له لا انا بشتغل في القطاع الخاص وماليش دعوه بالحرائق ، فقالي انت بتقول ايه ؟وحرايق ايه ؟ انتم ناويين تولعوها علي العموم احسن علشان نبدأ علي نظافه ،وانا جالس لا انطق ببنت شفه خوفا من ان اتورط في كلام ينتهي بان اخذ علقه او تعنيف ،ثم استطرد السائق انا نازل يوم 30 علشان قرفت من حكم الجماعه دي وتراخي وتواطؤا مرسي مع حماس والقاعده والشيعه وعاوز ياخد البلدكلها في جيب الجماعه ومكتب الارشاد، وهنا لم استطع الصمت وغلبني الفضول وقلت له انا كنت مسافر سفر طويل ولو سمحت ممكن اسالك مين مرسي ده ؟وايه علاقته بالحكم ؟ فلم يفكر الرجل بل كانه وجد كنز ان يكون احد هذا الجهل و لا يعرف ما يجري وبدا يمارس دور الاستاذ الملم ببواطن الامور ،دون ان يفكر كيف انني حتي وان كنت مسافر خارج حدود الكره الارضيه فيجب ان اعرف ماحدث في السنوات الماضيه ، وقال لي مرسي ده رئيس مصر المنتخب بعد ثوره قام بها المصريون وسقط فيها شهداء وبعد تنحي مبارك جاءمجلس من العسكر وكان ضعيف وخائف ويده مرتعشه فسلم البلد الي جماعه الاخوان المسلميين بدعم وضغط من الامريكان وتمويل من القطريين واصبحوا هم من يمتلكوا مفاصل الدوله في اطار خطه التمكين التي هي الطريق لتحقيق حلم الجماعه في بناء الخلافه الاسلاميه والاصح الاخوانيه متمسحيين في ذلك بالمشروع الاسلامي وتطبيق الشريعه علي انقاد الدوله المدنيه وحريه الراي والتعبير الذي كفلها الاسلام وهدم وسطيه الازهر واخونته . تعجبت مما سمعت وقلت له انت معاك شهادات ايه ؟ قالي دبلوم تجاره، صعقت واستطردت اومال جبت كل الكلام الكبير والمصطلحات الملعبكه والنظريات السياسيه دي كلها منين؟ وبعدين لما احب اكلم استاذ علوم سياسيه لكامه ازاي؟ فرد ياباشا ربنا يخلي لنا لاميس وعمرو وابراهيم وتوفيق باشا عكاشه اللي نورونا وعرفونا الناس دي علي اصلها.
- فما كان مني بعد كل هذا الهزي والرغي الا ان خرج مني بعفويه لفظ استهجان غير حضاري وقلت له بعد ان شعرت ان البيت اقترب " يخرب بيت ابوكوا كلكوا انت واللي قلت اساميهم والاخوان والتمكين والاخونه والكلام الكبير اللي مش فاهمه ده ، هي البلد كانت ناقصه دا معظم الناس بتفك الخط بالعافيه تيجوا تدخلوهم في صراع ايدولوجي معقد ذي ده وبعدين هو مين اللي عمل هذا الانقسام والفجوه الرهيبه دي بين الناس واين ذهب العقلاء والكبار اصحاب الحنكه والخبره اللو كانوا بيستلطخونا طول السنيين اللي فاتت دي وعارفيين اذاي يمشونا علي عجين مانلغبطوش؟ اللله؟ هو فين مبارك ؟ قاللي ده في السجن يا برنس
- في السجن؟! مبارك الريس ، يا نهار اسود مين اللي دخله السجن وازاي وبأي تهمه وفيين ناسه وحزبه وشرطته وامن دولته وفين سوزان وعلاء وجمال والحاشيه و....و..... والله مانا فاهم حاجه وبعدين مش قبل ماتسجنوه كنت تجدوا بديل له يعرف يدير، بدل اللي اسمه مرسي ده اللي سمعت الدعاء عليه اكثر من اللي سمعته علي امراه ابي لهب ، لما سواق تاكسي زيك يتكلم كده اومال نخبه البلد والحكماء والساسه يتكلموا ازاي ؟ اكيد بيتكلموا لغه غير العربي.... نازلني هنا يا عم دا يوم ما يعلم بيه الا ربنا .... يتبع محمود طلبه
- خرجت من المقهي مفزوع موتور لا اعرف ماذا دهاني وانا اؤكد لنفسي ان الخطأ عندي لانه ليس من المنطقي ان يكون الشعب كله اتجنن بل من المنطقي ان العطب في شخصي ولكن لا استطيع تحديد اين العطل في جهازي العصبي والحسي ، لذلك قررت ان اعود للمنزل باسرع طريقه ممكنه فراجعت ما معي من نقود ووجدت انها تسمح بتحمل تكاليف توصيله بتاكسي ابيض ، فشاورت لاول تاكسي وجدته وصرحت له بوجهتي فامتعض قليلا ولكنه قالي اركب ، وبعد ركوبي كالعاده سائقي التاكسي عندهم خاصيه اشتهر بها الحلاقيين وهوكثره الكلام وباغتني وقال شاكلك نازل يوم 30 مش كده ؟ تجولت في عقلي لاجد فيه اي حدث مهم في هذا اليوم فلم اجد سوي انه مرتبط بالحرائق التي تحدث في المصالح احكوميه والمخازن العموميه قبل عمليه الجرد السنويه، فقلت له لا انا بشتغل في القطاع الخاص وماليش دعوه بالحرائق ، فقالي انت بتقول ايه ؟وحرايق ايه ؟ انتم ناويين تولعوها علي العموم احسن علشان نبدأ علي نظافه ،وانا جالس لا انطق ببنت شفه خوفا من ان اتورط في كلام ينتهي بان اخذ علقه او تعنيف ،ثم استطرد السائق انا نازل يوم 30 علشان قرفت من حكم الجماعه دي وتراخي وتواطؤا مرسي مع حماس والقاعده والشيعه وعاوز ياخد البلدكلها في جيب الجماعه ومكتب الارشاد، وهنا لم استطع الصمت وغلبني الفضول وقلت له انا كنت مسافر سفر طويل ولو سمحت ممكن اسالك مين مرسي ده ؟وايه علاقته بالحكم ؟ فلم يفكر الرجل بل كانه وجد كنز ان يكون احد هذا الجهل و لا يعرف ما يجري وبدا يمارس دور الاستاذ الملم ببواطن الامور ،دون ان يفكر كيف انني حتي وان كنت مسافر خارج حدود الكره الارضيه فيجب ان اعرف ماحدث في السنوات الماضيه ، وقال لي مرسي ده رئيس مصر المنتخب بعد ثوره قام بها المصريون وسقط فيها شهداء وبعد تنحي مبارك جاءمجلس من العسكر وكان ضعيف وخائف ويده مرتعشه فسلم البلد الي جماعه الاخوان المسلميين بدعم وضغط من الامريكان وتمويل من القطريين واصبحوا هم من يمتلكوا مفاصل الدوله في اطار خطه التمكين التي هي الطريق لتحقيق حلم الجماعه في بناء الخلافه الاسلاميه والاصح الاخوانيه متمسحيين في ذلك بالمشروع الاسلامي وتطبيق الشريعه علي انقاد الدوله المدنيه وحريه الراي والتعبير الذي كفلها الاسلام وهدم وسطيه الازهر واخونته . تعجبت مما سمعت وقلت له انت معاك شهادات ايه ؟ قالي دبلوم تجاره، صعقت واستطردت اومال جبت كل الكلام الكبير والمصطلحات الملعبكه والنظريات السياسيه دي كلها منين؟ وبعدين لما احب اكلم استاذ علوم سياسيه لكامه ازاي؟ فرد ياباشا ربنا يخلي لنا لاميس وعمرو وابراهيم وتوفيق باشا عكاشه اللي نورونا وعرفونا الناس دي علي اصلها.
- فما كان مني بعد كل هذا الهزي والرغي الا ان خرج مني بعفويه لفظ استهجان غير حضاري وقلت له بعد ان شعرت ان البيت اقترب " يخرب بيت ابوكوا كلكوا انت واللي قلت اساميهم والاخوان والتمكين والاخونه والكلام الكبير اللي مش فاهمه ده ، هي البلد كانت ناقصه دا معظم الناس بتفك الخط بالعافيه تيجوا تدخلوهم في صراع ايدولوجي معقد ذي ده وبعدين هو مين اللي عمل هذا الانقسام والفجوه الرهيبه دي بين الناس واين ذهب العقلاء والكبار اصحاب الحنكه والخبره اللو كانوا بيستلطخونا طول السنيين اللي فاتت دي وعارفيين اذاي يمشونا علي عجين مانلغبطوش؟ اللله؟ هو فين مبارك ؟ قاللي ده في السجن يا برنس
- في السجن؟! مبارك الريس ، يا نهار اسود مين اللي دخله السجن وازاي وبأي تهمه وفيين ناسه وحزبه وشرطته وامن دولته وفين سوزان وعلاء وجمال والحاشيه و....و..... والله مانا فاهم حاجه وبعدين مش قبل ماتسجنوه كنت تجدوا بديل له يعرف يدير، بدل اللي اسمه مرسي ده اللي سمعت الدعاء عليه اكثر من اللي سمعته علي امراه ابي لهب ، لما سواق تاكسي زيك يتكلم كده اومال نخبه البلد والحكماء والساسه يتكلموا ازاي ؟ اكيد بيتكلموا لغه غير العربي.... نازلني هنا يا عم دا يوم ما يعلم بيه الا ربنا .... يتبع محمود طلبه