تويت
وآش بقا يا اميمتي
وآش بقا يا اميمتي بعد فراقك
غير صداع الراس ولمحاين
توحشت ريحة حنتك عندعناقك
ونت ف باب الدار ليا تساين
كي تحضنيني تبرد نار شواقك
وتقولي لي يا لكبيدة ليك نعاين
وحين نتفكر حجايتك وترشاقك
والنوم يغازلني فْ مُومُّو لجفان
وآنا مشدود بحزامك ونطاقك
كنتي تسرديلي سحر وبيان
حكايات عشتيها انتيا ف حياتك
ولْيُوم يا يُمَّا ضاق بيَّا لمْكان
كْرهت زماني ، حْرقْني وْحاشكْ
*****************
المريني ادريس
القصر الكبير بتاريخ : 06 / 11 / 2013