الى كل حرائر مصر...
الى الأسيرة شيماء.... الحديدى.:





شفت جنب فيونكه بيضا ف توب جميل
شفت تحت حجاب طويل ...
الف راجل ..الف درة
الف حر ..والف حرة
شفت رمزك للكرامة..
للاصالة.. والطهارة..
والتحدى .. والجسارة..
راسه عالية.. فوق عدوه
مش ذليل
*****
شفت نفسى - بس جنبك- إنى أضعف م الهوان
شفت نفسى ميت جبان
شفت كل الناس ف عينك..
خلق تافه
كل همه.. بس نفسه..
كل حلمه.. بس لقمه تملى بطنه
أى ضحكة .. تملى وشه..
أى حاجة.. – لو بيادة-
تملى بقه..
شفت شعب ف همه نايم
شفت ظلم ف قلبه قايم
بس انتى ...
بس انتى كنتى وحدك ..
انت والاحرار خواتك
كنتوا انتوا..
للشهامة ..
للرجولة..
للكرامة..
الف ميت مليون دليل..
*****
يا حبيبتى ..
شفت فيك رمز بنتى
رمز اختى ورمز امى
رمز حلمى .. ورمز عمرى
انتى ( مصرى)
وهى (مصرى) الا انتى..
*****
يا حبيبة شعب طيب .. كله حبك
يادليل على يوم .. قريب ..
خيطه عندك
انت درة..
انت نور فى ظلام كئيب
انت (فلته) ف شعب نايم..
شعب تايه.. صار غريب
انت قصة شعب ثاير ..
انت اجمل صورة فينا للحراير..

*****
جمال نصير فى 3/12/2013