زعيمنا العظيم بكاب وبيادة
مفرق بلدنا عالحشم و السادة
يهدي الوزارة و يهدي الدواير
وفي ناس حلمها رغيف عيش زيادة
----------------
ليه يا زعيمنا مطلع عين ابونا
و مسيب عبينا الديابة ينهشونا
و من حقنا في بلدنا يحرمونا
ولا انت عرفك الخسيس بيقول
ليكو السيادة و لينا البيادة
----------------
قضاء ادام بيادتك شموخه يزول
و كلام سعادتك هو الأدب و الأصول
و اعلامك بعاره يطبل و يقول
انت بطلنا و حامي الارادة
----------------
ضرايبك علينا زادت شويتين
معييش فلوس اجيبلك منين
دة ولاد سعادتك فطارهم منين
و انا مش لاقي شغلانة اكل منها طين
-----------------------
ملعون ابوكي يا بلد ياللي بهدلتي الناس
ياللي الشريف فيكي بالبيادة منداس
و الحرامي فيكي متشال فوق الراس
ياللي ظلمتيني و قهرتيني و فيكي بقيت محتاس
زعيمك قتلنا و سرقنا و خاننا وخلا مصلحته هي الأساس
-----------------------
فكرت كتير و فهمت الحكاية
دي حكاية بلد و ملهاش نهاية
و عرفت اننه قصر الكلام
لو مش هرضي بالظلم ولا اني اتهان
يبقي انا في البلد دي مليش مكان
-----------------------
محمد مصطفي عبد الهادي