تويت
أنا إنسان
بتمنى خطوتى تكون حره
مهيش مخنوقه
ولا تكون مابين جدران
وإن كنت فوق الكلام بَحْبى
أنا بغزل غنوتى بُستان
وإن كان تاه منى الوطن
معرفش غير إنى
أكون إنسان
رغم قوتى لكن
باين الضعف ف عيونى
وأمشى على أرضها سواح
ومن كتر الخُطا سَمْع جفونى
ياكلمة حب من زمان مشطوبه
بدون أعذار
وموت الماضى والحاضر
مالوش إنذار
وليه تقطع نبت أفكارى
وتكون أحلامى موؤده
فى بير مالوهش قرار
ونار جُوانا وحَوالينا
ومين إِختار
نهاره يموت
عشان يفهم كتاب الأسرار
ونسمة بكرا بتشقشق
يمكن تفهم معانى الكون
وكون ماتكون
تكون فاهم
تكون موافق
تكون معارض
تكون عاشق
لصمت سكون
عيونى لسه بدَّور
على بواقى عيون
أنا إنسان
وذى كتير ياما
إنسان عايش ف دوامه
بِتسحَبه لشط الموت
سكوت وده شيئ بيدبحنى
وعودى المحنى
بيبات مصلوب
على شط الحياه مخنوق
إنسان لكن فروقتنا كتير
ممكن أكون الشر
وإنت الخير
ممكن أكون النَبْتْ
وإنت الطير
وبرغم إننا بِنخْتلف
نكون واحد
نكون إنسان
ولو بنفترق فى نفس الحِين
بيتى وبيتك
عمره ماكانله أساس
على أرضك ولا أرضى
حبة ريح تخلعك وتخلعنى
إحنا مابينا مرايه مكسوره
عمرها ماتعكس الواقع
وده كله
عشان إنسان
والخطوه الحره مخنوقه
محشوره مابين جدران
عشان إنسان
بتمنى خطوتى تكون حره
مهيش مخنوقه
ولا تكون مابين جدران
وإن كنت فوق الكلام بَحْبى
أنا بغزل غنوتى بُستان
وإن كان تاه منى الوطن
معرفش غير إنى
أكون إنسان
رغم قوتى لكن
باين الضعف ف عيونى
وأمشى على أرضها سواح
ومن كتر الخُطا سَمْع جفونى
ياكلمة حب من زمان مشطوبه
بدون أعذار
وموت الماضى والحاضر
مالوش إنذار
وليه تقطع نبت أفكارى
وتكون أحلامى موؤده
فى بير مالوهش قرار
ونار جُوانا وحَوالينا
ومين إِختار
نهاره يموت
عشان يفهم كتاب الأسرار
ونسمة بكرا بتشقشق
يمكن تفهم معانى الكون
وكون ماتكون
تكون فاهم
تكون موافق
تكون معارض
تكون عاشق
لصمت سكون
عيونى لسه بدَّور
على بواقى عيون
أنا إنسان
وذى كتير ياما
إنسان عايش ف دوامه
بِتسحَبه لشط الموت
سكوت وده شيئ بيدبحنى
وعودى المحنى
بيبات مصلوب
على شط الحياه مخنوق
إنسان لكن فروقتنا كتير
ممكن أكون الشر
وإنت الخير
ممكن أكون النَبْتْ
وإنت الطير
وبرغم إننا بِنخْتلف
نكون واحد
نكون إنسان
ولو بنفترق فى نفس الحِين
بيتى وبيتك
عمره ماكانله أساس
على أرضك ولا أرضى
حبة ريح تخلعك وتخلعنى
إحنا مابينا مرايه مكسوره
عمرها ماتعكس الواقع
وده كله
عشان إنسان
والخطوه الحره مخنوقه
محشوره مابين جدران
عشان إنسان
تعليق