تويت
قطــّه شبعانه
*\
عندي قطه بوسط البيت = مثلا ما شفت بسينات
تمشي وتلعب عالسكيت = نظيفة وبتلبس كلسات
شامبو بلسم قبل العصر = بتتعطــــر و بتتحمـم
بتخرمش وبتغدر غدر = الشوك من كفوفا ارحم
قلقت تمشيت بهالليل = همومي عكتافي قنطار
لحقتني من ميل لميل = حتى عمتجر غوار
قلتلو يا بو جعيدان= عطيني بارد بسرعا
علكه مع علبة دخان = كبريت وعلبة شمعا
العايق حاطط بالبراد = بقايا لحمة ممسوحا
الريحه عملت استعداد = تفادي البيسي بروحا
دخلت من باب المفتوح = بلحظة صاحبنا فكر
يحمل كازوزه ويروح = وعكنز اللحمه سكر
اكلت كل البقايا = لسانا ع المبرد جايل
وبرمت كل الزوايا = مخرجها وحدو سايل
رجعت عالصحن الملحوس = تعيد الكره من ثاني
نامت مع حظا المنحوس = بصحن اللحمه جمداني
غوار الصاحي بكير = واعد نفسو بالفطور
لاقى الوجبه صحن كبير = وحولو آيات السنور
قال حلمت ومش داري = باليقظه تنوي قطه
عقلاتي صاروا عياري = وجودي بالدنيا غلطه
فتري قستو عشبري = رح سكر هالدكانه
بس مريحلي فكري = القطه جمدت شبعانه
****
الشاعر اللبناني
ابو شوقي
الشاعر اللبناني
ابو شوقي
تعليق