كتبتُ هذه القصيدة باللهجة العراقية الدراجة

أيست من فرحتي _ والصبح ماله شمس
تعبانه نفسي لأن _ ما عندي راحة نفس
درسني دهري اشكثر_ بس ما حفظت الدرس
يمكن لأن ما شلت _ عالناس ذرة حقد
,,,,,,,,,,,,,,,,,,,,,,,,,,,,,,,,,,,,,,,,,,,,,,
خلصت عمري أهم _ واتحسر بدنيتي
طيب ولكن احس _ كل مشكلة ابطيبتي
واشعر أظل للكبر _ اتشكى من حالتي
ليش اجني شوك الورد _ والناس تجني ورد
.....................
مليت رايد شخص _ يمسح ادموعي ندى
ويصير سدي اذا _ جارت عليه العدا
بردان بس ابشغف - رايد دفو موكده
ما اريده يطفي الجمر - وابجسمي كومة برد
,,,,,,,,,,,,,,,,,,,,,,,,,,
يا بسمتي راح اون - يمكن فلا ابتسم
مليت وآني اظل _ احرك بدمي وأهم
ما ادري ليش الحزن_ طابع ابكلبي وشم
واشكم جرح يا زمن - ظليت اخيطه واشد


زين العابدين الطائي - العراق