الحياة اليوم
-----
حياتنا ايه غير كلها
أي حاجة وعكسها
يا إما ترضي بمرها
يا تعيش غريب في سجنها
زال الصديق الوفي
و زال الحبيب العفي
ولو عايز تعيش مستور
تعظيم سلام ﻷمرها
...
ولما يئست
كتبت في ورقي بالاقلام
أحلى كلام
...
فلما فرحت
لقيت بسماتي مش فايقة
لدمع جنين
...
ولما حزنت
لقيت دموعي مش فارقة
مع الظالمين
...
و لما حبيت
حسيت نفسي اني غريب
في حضن البيت
...
ولما غضبت
لقيت الحلم مش نافع
وفيه للثورة ميت دافع
والعقل زين
...
ولما سكتت
لقيت أعصابي وكلاني
دموع الظلم حرقاني
و الله معين
...
والتناقض أصل الحياة
و هي إيه غير اتجاه
تشوف الهوجة رايحة لفين
و تيجي عالخير تقوم راكباه
...
أمانة علي اللي خاربينها
يسيبوها ربها يعينها
ومش عايزين حقوق ضاعت
و ماضيها يعلمها
------------

محمد مصطفى عبد الهادي