ياللعجب
لسيد يوسف مرسى

يالل عجب

وال حفل اللى اتنصب
الرقص فيه ألوان
بالطبلة والزمار
على رنة الخلخال
والهز والدوران
مع رفعة القدم
يا للعجب
عالحفل اللى اتنصب
الكل فيه مشترك
والبنت والولد
والعم اللى راح بعيد
والخال اللى ما يعجبه العجب
الكل نزل الغار
ماشى من غيرقرار
نفسه يشوف الشمس
ويركب قطار العصر
ويدبح بإيده الغدر
ويشم ريحة الفجر
ويهدم بيت الظلام
ولايبق فى الدنيا قتيل
قتيل الوهم
أو حفرة النسيان
أو طلقه من فوق
أو من الجناب
مين إللى ضرب ؟
مين إللى انضرب ؟
مين القتيل؟
مين السجين؟
أنا وانت الخسرنين
أنا وانت سجان وسجين
أنا وانت كلتنا السنين
يابن عمى يابن خالى
يا حبيبى يا نور عينى
سيبك من كل إللى كان
سيبك من إللى قال
وتعالى نرجع زى زمان
بالعقل مش بالكلام
بكل اللى كان
واللى يبقى رئيسنا
نحيه ونقدره
ويلزمنا منه الأمن والأمان
ونعيش أنا وانت فى خير وسلام