تويت
الإدارة دي فن وشطـارة
والفتـلة عقدِت ع الدوبـارة
واللي مش عاجبـه كلامنـا
يعـزِّل يالـلا م الحـــارة
الإدارة دي مفهوميـة
تسندها ضربة بالبونيـة
واللي لسه مش مصدق
احنا دولة ديمقراطيـة
كل واحد حـر ويعبـر
ع اللي في باله أكتر وأكتر
واحنا أحـرار نسجنـه
ونخلي عيشته أزرق في أحمر
يا شعب يا حايس وهايص
ومش دريان إنه لودانه لايص
عايزنا نسمع كلمتك؟
كفاية بقى وبطل هجايص.
أسعار وغلّينا ووقفت صامت
وجنيه وعوِّمنا، ومصر عامت
مواسير مجاري طافحة ليلاتي
وشباب في دنيا العهر هامت
زوَّرنا الجنيه وصدرنا الدولار
لبنوك سويسرا، وكلنا كافيار
وانت لسه بتقرقش في طين
ودجاج مسرطن ولحمة حمار
فتحنا المدارس وبطلنا تعليـم
واتقلبت خصوصي كمان يا فهِّيم
ولغينا ديـن الله يا مسلميـن
وانت ع الصفين تسقَّف للزعيـم
لغينا أسواق الناس الغلابـة
وفتحنا مول افرنجي للديابا
وقلبنا مصر في لمحة بصر
لقطيع نعاج عايشين في غابة
أكلنا لحمك وتاجرنا في عرضك
وزودنا ديونك وفرطنا في أرضك
ولوثنا نيلك وسرطنَّا زرعك
وبعنا دواك، وزدنا في مرضك
حبسنا رموزك وضيقنا الخناق
وبقيت بتهمس ف حارة وزقاق
وعليك عيـون وودان تسجل
واللي يطرف بعينه يتعلق بساق
وعامل لي فيهـا قال شعب صابـر
صبر أيه وانت عايش في المقابر؟
انت ميت ومدفـون ومقـري عليك
ياسيـن وطه قبـل التكاثـر.
والله انت شعب آخر حـلاوة
بعناك واشتريتنا يآخر نقـاوة
يا للا يا شعب هات المروحـة
وهوِّي عليّـا أنا عايـز طـراوة.
والإدارة زي ما قلنـا شطـارة
والفتـلة عقدِت ع الدوبـارة
واللي مش عاجبـه كلامنـا
يعـزِّل يالـلا م الحـــارة
والفتـلة عقدِت ع الدوبـارة
واللي مش عاجبـه كلامنـا
يعـزِّل يالـلا م الحـــارة
الإدارة دي مفهوميـة
تسندها ضربة بالبونيـة
واللي لسه مش مصدق
احنا دولة ديمقراطيـة
كل واحد حـر ويعبـر
ع اللي في باله أكتر وأكتر
واحنا أحـرار نسجنـه
ونخلي عيشته أزرق في أحمر
يا شعب يا حايس وهايص
ومش دريان إنه لودانه لايص
عايزنا نسمع كلمتك؟
كفاية بقى وبطل هجايص.
أسعار وغلّينا ووقفت صامت
وجنيه وعوِّمنا، ومصر عامت
مواسير مجاري طافحة ليلاتي
وشباب في دنيا العهر هامت
زوَّرنا الجنيه وصدرنا الدولار
لبنوك سويسرا، وكلنا كافيار
وانت لسه بتقرقش في طين
ودجاج مسرطن ولحمة حمار
فتحنا المدارس وبطلنا تعليـم
واتقلبت خصوصي كمان يا فهِّيم
ولغينا ديـن الله يا مسلميـن
وانت ع الصفين تسقَّف للزعيـم
لغينا أسواق الناس الغلابـة
وفتحنا مول افرنجي للديابا
وقلبنا مصر في لمحة بصر
لقطيع نعاج عايشين في غابة
أكلنا لحمك وتاجرنا في عرضك
وزودنا ديونك وفرطنا في أرضك
ولوثنا نيلك وسرطنَّا زرعك
وبعنا دواك، وزدنا في مرضك
حبسنا رموزك وضيقنا الخناق
وبقيت بتهمس ف حارة وزقاق
وعليك عيـون وودان تسجل
واللي يطرف بعينه يتعلق بساق
وعامل لي فيهـا قال شعب صابـر
صبر أيه وانت عايش في المقابر؟
انت ميت ومدفـون ومقـري عليك
ياسيـن وطه قبـل التكاثـر.
والله انت شعب آخر حـلاوة
بعناك واشتريتنا يآخر نقـاوة
يا للا يا شعب هات المروحـة
وهوِّي عليّـا أنا عايـز طـراوة.
والإدارة زي ما قلنـا شطـارة
والفتـلة عقدِت ع الدوبـارة
واللي مش عاجبـه كلامنـا
يعـزِّل يالـلا م الحـــارة
تعليق