يادنيا يامتلونة
ضحكتي أهي بترن
لو أنتي مجنونة
فأنا يادنيا أجن
دة انا الرتم
وانا الغنوة
وانا حتي صوت النشاز
وصوت انكسار حاجز الخوف
لما تقابل عنيا عنيها
وانا اللي ساكن جوا عنيها
وساكن جوا انعكاس عنيها
ع الأزاز
وانا اللي بضحك من جوا
وبخاف للضحكة تطلع حلوة
فأضحك أكتر
وانا الربيع
اللي شبه شتا
شتا ربيعي بيمطر
وانا الخريف بدون موت الورق
وانا النجم اللي شق ليلة صيف
وراقب بحذر تشبيكة أيدين
فبعتلهم من روحه نور
لأجل ما تصير حكايتهم معجزة
وانا الحكاية في بساطتها
وتعقيدها فى تفاصيلها
وانا اللي شبه المعجزة
تكمل لو بقيت أنسان
تفشل لو بقيت بأحلام عجوزه مزعجه !!