ملح الشوارع،وجع الحياة،أحتمالية الوجود جوا حلم يمكن يكون طويل،بكره ما بين أحتمالية الخلق والعدم،الموت مش عدم،الموت شكل من أشكال الحياة والذكر،الموت لما بيفلت حد أيده من أيد الحياة يخرج من اللف فى دوران الطواحين،ونفتكره دايما ونذكره بأسمه عشان نجا من الطواحين،وخطوط الحياة متشابكة زي موسيقي مبتعرفش تمسكها وزي شبر مايه ممكن تغرق فيه وممكن يبل ريقك فى سنين العطش،والحقيقة البعيدة زي بنت بترقص برتم سريع ساعات وساعات برتم بطئ بتحرك شفايفها بكلام أغنية قديمة عن معجزة الأنسان لكنها مبتغنيش،مين مبيحبش الحقيقة مين مبيبحبش البنت ومين مبيبحبش الحقيقة البعيدة ،أخر الليل هو أول النهار أخر النهار هو أول الليل،أذكار الصباح فيها شبه من أذكار المساء،لحظة الميلاد لحظة الموت فى اللحظتين متجمعين بشر عشان يشهدوا خروج حد عن لعبة اللف فى الدوران أو دخول حد فى قلب المعركة،هي الحياة معركة ولا رقصة البنت برتم بطئ أوي وممل ؟!!