حذر فزر
لسيد يوسف مرسى


حذر فزر
يا ابن العم
أوعى تكون ثقيل الدم
كل الناس بتخاف اليم
شكله رهيب
قعره عميق
وشه مهيب
ساكن تحت حيطانه الديب
وانت ياعم ماشايل هم
******
لما الدنيا وقفت بره
كشفت راسها وقالت هيه
أللى عايزنا يطلع بره
يركن عندى
ويشرب قهوة
ويسيب نفسه زى ما أقوله
يبقى حدانا صاحب املاك
آدى متاعنا وفى رجلينا
وآدى غوايش ماليه إيدينا
إاللى عايزنا يمسك فينا
أنا فى الصبح راكبة قطار
مين يشاركنا مين يلازمنا
فى المشوار
***** قالوا عليه
هى شغلتها
خضرة وتضحك من سنتها
ما سكة فايدها المنشار
ماسكة فى إيدها سلاح رهيب
تقتل بيه كل لبيب
وانت ياروحى
عامل ديب
شوف عمايلها
سيبك منها واجرى بعيد
لاحسن تبقى وليمة فى عيد
هيه بتغزل توب أحلامك
وبره مشعلل من طلباتك
حسن خلقك شوف عيالك
وأجرى بعيد قبل الديب
وقبل تغزل توبك سيب
أنت عبيط
حذر فزر يا ابن العم
قبل مايجى الصبح إتلم
وخاف اليم
يا ابن العم