تويت
لْخاطَرمجْرُوحْ
**************
يامول السّْمق وَالدواية
لله قرَّب حْدايا
وجْبد من جيبك لَقلم
نفرَّغ ليك ما فَ جْوايا
نروي لك شلاَّ حْكايا
قلبي راه فايض ب لهمّْ
صاحبي لِّ كان لِّي مرايا
عاد يطعنِّي ف قْفايا
ماراعا لْعشرة ماحْشم
يفشي سْراري لَ عْدايا
ك يْزيد وْ يَحْذَفْ آيَة
يعْجَم كِ بْغا وَيْتَرجَمْ
يامول السّْمق وَالدواية
للهْ قرَّب حْدايا
وخرَّجْ من جيبك لَقلم
قيَّد عنْدك وْزمَّم
وْخلِّي لِي وذْنك صغَّايَة
هاذي شحال وآنا صابر
مجروح لخاطر ونكابر
اللِّي شافني يقول مرتاح
ولْقلب مثْخُون بَ جراج
عْييت صابَر نْْذاري
كاثم فِ جُوفي ضْرارِي
يامول السّْمق وَالدواية
للهْ قرَّب حْدايا
خرَّجْ من جيبك لَقلم
قيَّد عنْدك وْزمَّم
لله وآش أنا نَتْلام
عْلَى ثيقْتي فِْ لعْوام
ماليش ذْراية بْ لْغُيوب
ولاَ بْ مكْنُون ف قْلُوبْ
سُبْحان مْصرف ذَ لْكُونْ
خَالَق لْخَلْق اصْنافْ
لوْلاهْ ماكَنْت نْكُونْ
وَلا كانُو لَطْيافْ
صْناف لْبَشروالجّْنُونْ
يامول السّْمق وَالدواية
للهْ قرَّب حْدايا
خرَّجْ من جيبك لَقلم
حبِّيت نْعرَّف رَاسي
بعدما ملِّيتْ قرطاسي
للجَّاهَلْني غِِير نَاسِي
اسمي لمريني ادريس
مزْيود ليلَة لخْمِيس
خْلُوق وَتْرابي قَصْري
فُوقْ السَّتيِّن عُُمْري
لْ أَصل مْرينِي زْنَاتِي
مغْربي حُر يَاخْواتِي
وباش نخْتم لسْطَار
نْصلِّي عْلى سِيدْ لبْرَار
سِيدي طَاهَر لَطْهَارْ
مادَام اللِّيل والنّْهَار
*************
المريني ادريس
القصر الكبير بتاريخ : 30 / 04 / 2014
**************
يامول السّْمق وَالدواية
لله قرَّب حْدايا
وجْبد من جيبك لَقلم
نفرَّغ ليك ما فَ جْوايا
نروي لك شلاَّ حْكايا
قلبي راه فايض ب لهمّْ
صاحبي لِّ كان لِّي مرايا
عاد يطعنِّي ف قْفايا
ماراعا لْعشرة ماحْشم
يفشي سْراري لَ عْدايا
ك يْزيد وْ يَحْذَفْ آيَة
يعْجَم كِ بْغا وَيْتَرجَمْ
يامول السّْمق وَالدواية
للهْ قرَّب حْدايا
وخرَّجْ من جيبك لَقلم
قيَّد عنْدك وْزمَّم
وْخلِّي لِي وذْنك صغَّايَة
هاذي شحال وآنا صابر
مجروح لخاطر ونكابر
اللِّي شافني يقول مرتاح
ولْقلب مثْخُون بَ جراج
عْييت صابَر نْْذاري
كاثم فِ جُوفي ضْرارِي
يامول السّْمق وَالدواية
للهْ قرَّب حْدايا
خرَّجْ من جيبك لَقلم
قيَّد عنْدك وْزمَّم
لله وآش أنا نَتْلام
عْلَى ثيقْتي فِْ لعْوام
ماليش ذْراية بْ لْغُيوب
ولاَ بْ مكْنُون ف قْلُوبْ
سُبْحان مْصرف ذَ لْكُونْ
خَالَق لْخَلْق اصْنافْ
لوْلاهْ ماكَنْت نْكُونْ
وَلا كانُو لَطْيافْ
صْناف لْبَشروالجّْنُونْ
يامول السّْمق وَالدواية
للهْ قرَّب حْدايا
خرَّجْ من جيبك لَقلم
حبِّيت نْعرَّف رَاسي
بعدما ملِّيتْ قرطاسي
للجَّاهَلْني غِِير نَاسِي
اسمي لمريني ادريس
مزْيود ليلَة لخْمِيس
خْلُوق وَتْرابي قَصْري
فُوقْ السَّتيِّن عُُمْري
لْ أَصل مْرينِي زْنَاتِي
مغْربي حُر يَاخْواتِي
وباش نخْتم لسْطَار
نْصلِّي عْلى سِيدْ لبْرَار
سِيدي طَاهَر لَطْهَارْ
مادَام اللِّيل والنّْهَار
*************
المريني ادريس
القصر الكبير بتاريخ : 30 / 04 / 2014