عارف عشان ألمح عينيك
كنت أعمل ايه ؟
مش هاقولك
أحسن تقول زايد غرامي
واتهامي إني خارج
دايرة الاتزان
مخلوق أنا لما يحس بالحنان
يطير في السما بألف جناح
أعيد مشواري مرتين
مرة انتعاش
ومرة عشان أتعب
وأبطل دلع
بيصيبني الهلع
ويهد جسمي الارتعاش
ومن زمان عل الحالة دي
بتعدني وردة بتمسكني وقت
مابتمسح نداها
الشوق نداها
وهيا في غاية الانسجام
تستنى لحظة ماكون في رحلتي
أثناء الذهاب
أو رجعتي
وتقول هايرجع
وتقطف ريشة من الجناح
ومش هايرجع
وتفضل تقرطف من ريشي المتاح
حتى انتهي
وارجع قوام بين ايديك
وارسم على وشي ابتسامة
كل ده علشان عينيك
اتحملت من الورد الإهانة
وانت مش داري بغرامي
واستحالة بعدي عنك
وكأنك
متفق مع الورد الألم
واحد حنان مع ابتسامة
ونظرة عينين
ومشوارين
وأوعدك
بعد وصلة هلع
بعد جولة ارتعاش
وسرحان
أبطل دلع
واعود لدايرة الاتزان