موال (2)
بقلم/ سيد يوسف مرسي
(أنا فنان )
أنا فنان وفني علي كدي
غزلت توب أبيض شفيف
وكان غزله من حرير كدي
رسمت فيه الأمل طواف
والروح سكنتها جنبي
وخليت بين صوابعي قلم
فضفاض
ورشته من وريد قلبي
أنا لسه ساكن في مداي أحوال
يا مين يشدني وياخد بيدي
ويقف ليه حرس ددبان
أشكره بالعين والقلب
وامد له يدي
ترجع حياتي تمام
ولا يبقي ليه عدوين
ولا عنيد من ندي
أكون خصيمك والنبي
لو حرقت يوم قلبي
أقري حروفي بين السطور
وها تعرف أمور كتير عني
وأجعل عيونك للصفا دروب
يمر منها الغريق والتايه
ودا نهجي
تشوف الحرير
وتغزل إيديك غزلي
وتعرف إن الفن لينا حياة
وتصلي
الفن هنا في الراس
مش من حفير رجلي
مرات نرسم وجوه
ومرات نرسم جبل قاسي
يقف في العين
ورجليك ماتخطي
أنا فنان