تويت
رثاء : لينا وليك الله يالمهدي : عالم المستقبليات المهدي المنجرة رحمه الله
لينا وليك الله يالمهدي
يارمز لعفة والطهارة
مرفوع الراس عشتي
وقلبك صافي بلارة
ما اذَّللتي ماتوسلتي
وماطالبتي ب يْجارة
ف صقاع الدنيا جلتي
ومابهراتك حضارة
اعطيتي وما مليتي
و لقوم ل عْطاكْ نكَّارة
لاخير من قومك شفتي
لا مَ لْوالاَ ولْخارا
ساوموك ونت ترفَّعتي
ماركعتي لْمُول الشّْكارة
دْخلْتي جْواك واعْتزلتي
منْ شي قُومان غدَّارة
شكون ف الرجال آميمتي
غير لْمهدي نوَّارة
لا تْگُولِي لِِي مازال
بَعْد لْمهدي ما تْوارا
**********************
المريني ادريس
القصر الكبير بتاريخ : 13 / 06 / 2014
تعليق