تويت
حالة شروذ ( 72 )
حالة شروذ ( 72 )
****************
يامُوكَة السَّاكْنة لَرْسَامْ
لله بُوحِيلِي بْ سَرَّكْ
عْلاشْ نْتِ هاوْية الظْلام
قولي ليَّا شكون جَبْركْ
لانْتِ زُوليخة فْ لَمْقَامْ
تتْرجَّايْ يُوسَفْ يْحُضْنَكْ
وَلاَ بَلْقيِس جَاهْ وقْوَامْ
حط لهدهد في قصرك
جاك مْسَافَر منْ الشَّامْ
متْربَّص بيكْ يْرصْدَك
ياموكة لاتْعِيشِي زَاهْدَة
ف الدنْيا مَالِيكْ مْرَامْ
وحْدَكْ تحْلاَ لِيك لْقَعْدَة
وتْقُولِيلِي لْخُلطة حْرَام
**************
المريني ادريس
القصر الكبير بتاريخ : 23 / 06 / 2014
******************************
موكة = البومة
لرسام = الأطلال
مرام = أهداف
لقعدة = الجلسة