تويت
حالة شروذ ( 74 )
حالة شروذ ( 74 )
***************
نْذاري ف همِّي ونكمَّد
ومابْغا يذَّارا
كلّْ مانْگولُّو اخْمَدْ
يسْبقني يتْبارَا
يمْكن حاسّْ بَ الصَّهد
ماگادّْ يتْوَارَا
حسِّيت بْ صَبري نْفَذْ
وْضاعْ خْسارَة
اللِّي دَرْتَا جنْبي جدّْ
طلْعتْ مكَّارَة
غَلْطَانْ حْسَبْتا سَنْدْ
وتْجَاهَلْت لِِيشَارَة
يُومْ ماتْهَزّْ لَمْهَدْ
كِيفْ كُنَّا عْزَارَا
************
المريني ادريس
القصر الكبير بتاريخ : 02 / 07 / 2014