تويت
الصُّحْبَة
الصُّحْبَة
************
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
عْيِيتْ صَابَرْ هَازّْ الطَّعْنَاتْ فَ الظّْهَرْ
صْبرْ لبْحَرْ عْلَى هْبَالْْ مْرَاكْبُو
هيَّ تشَقُّو وْهُوَّ لِيهَا مْسَخَّرْ
اللِِّي عْطِيتُو قَلْبِي وْْقُلْتْ نْْصَاحْبُو
فَ حْضوري وقُدَّامِي مَايَهْضَر
وْعنْد صدِّي كَ يَخْدشُوني مْخَالْبُو
هَكْذَا حَالي مْعَ رَاضَعْ لمْكَرْ
حَاسبْ بَ صْنِيعُو تَعْلاَ مْرَاتْبُو
يالْوَرْدَة يَا لْفُوَّاحَة بْ لَعْطَرْ
رَا لْقَلْب مْغيَّر ولْهَمْ رَاكْبُو
شْحَالْ قالِّي عقْلي نَزْهدْ وَنْتِيهْ
وْماتْسَايَرْ صَاحَبْ وَلاَ تْواكْبُو
صَمِّيتْ سَمْعِي أنَا مَادِّيتْها فِيهْ
مََافِيهَا بَاسْ نَصْفَح وْمَا نْعَايْبُو
وخَّا يتْعَالَى مَكرُو ويْزيدْ يفْجَر
ايْلاَعْلِيَّا مْقَدَّرْ سِيدِي رَبِّي كَاتْبُو
مانْطَلبُو غِيرْ يْزِيدْني فَ الصّْبَرْ
*****************
المريني ادريس
القصر الكبير بتاريخ : 25 / 07 / 2014