بسم الله الرحمن الرحيم

أضع بين أيديكم قصيدتي (( ناح اشتياقي )) أو كما نشرت سابقا بعنوان (( بوس التماثيل))

أضعها مكتوبة و كذلك صوتية على رابط اليوتيوب التالي :





..............ناح اشتياقي فوق غصن الهوى لاح
...............................يرسم على صدّك دموع التهاديل


..................تدري اذا دمعي ذكر اسمك وباح
.................................. الله يعين اوسادتي و المناديل


..................الماي ماي العين و الخدّ الأقداح
...........................ليت الوصل يعطش اذا دمعي ايسيل


.................يمكن اذا يشرب من الدمع يرتاح
............................ويتعلّق ف عين ٍ على شوفهْ اتميل


...................القفل هجرك واللقى فيه مفتاح
............................ارجع حبيبي وافتح الحال و الحيل


....................الحيل طايح من معاناة لجراح
............................... والحال دمع اتسامره ظلمة الليل


.................آشدّ من أضلاعي ف حبّك ألواح
.........................وأصنع من الأشواق لك مركب اطويل


..............وأبحر وتدفع مركبي لهفتي ارياح
...........................والوصل شاطي و الأماني مواصيل


...............لكن وين انت وانا ف عالم ارواح
.............................. آبوس روحك مثل بوس التماثيل


...............ظهري غلاك و صدّتك فيه لرماح
.............................لا تحسب إن مات الغلا فيك تمثيل



.....................

...........

...