تويت
للإسقاط ( 16 )
للإسقاط ( 16 )
***************
اعْذَرْنِي
أوْ انْكرْنِي
وْخلِّينِي گرْنِي
لا تْفكَّرْنِي
خلِّي ظلامي ساكنِّي
ماتْحَاوَلْش تفقَّهْني
راني لْقيتْ
راحْتي فَ عميّْتي
تهنِّيتْ
وْشدِّيت صْحيحْتي
عْلاش نْتَ مشْطُونْ
وْبالكْ مْعايَا مفْتُونْ
مانَا گزْرَة تْوزَّعْنِي
مانا لُقْمَة تَمْضَغْنِي
رِيحْتي زَفْرَة
ضْحكْتِي صَفْرَة
وْسيرْتِي ، خَايْبَة لَّمْعاوْدَة
وْتاكْلاَمِي ، مَافِيهْ فَايْدَة
غِي فَرْكَتْ هَاذْ لْمحْوتْ
بْلاَ تخْمَامْ
خلِّيني لَ سْكاتِي نَتْصَنَّتْ
وْمابْقَا فْ لَعْمرْ صُومْنِي
**************
المريني ادريس
القصر الكبير بتاريخ : 09 / 08 / 2014