واوات //سيد يوسف مرسي

**سيد يوسف مرسى** · 28-10-2015, 19:36

مربعاتي الواوية
(1)
إياك تاخد علي خاطرك
دنيا ومليانه متاعب
رابط حزامك علي خصرك
واليوم جاي لينا تلاعب
*****
حيلك يا أبو قلب قاسي
وشك عليه ملامح
إيدى علي كتفك وفاسي
وخلي قلبك لينا مسامح
*****
تعجبني فيك البشاشة
والعشرة عند الأصيل ما تهون
خايف لتكون ناوي غشاشة
عمره الخسيس ما يعون
*****
كفياك يا خي هتير
كلمه ورد غطاها
صاحب وامشي كتير
جايز تفهم مداها
*****
كلامك يا واد ما يعجبني
ولا يعجب صغير في الحي
إن نـــــــــــــــاوي تكدني
صحبتك عايزه الطي
*****
مدحوك صحابك وفاضوا
والمدح ليهم ومش زم
جايز في يوم عابوا
لكن عمر الأصيل ما يتزم
*****
صدقنا كلامك يا خال
وقلنا بريء اللم
أتريك يا خال متعال
وكلامك كله من اللم
*****
كلامك حلو يا مضروب
وخليك للود واصل
من مده شايفك ومغلوب
وقاطع بينا التواصل

بقلمي @سيد يوسف مرسي

**سيد يوسف مرسى** · 26-11-2015, 07:10

رباعياتي الواوية
جولة مع الخيال
(1)
يا واد نازل تهــــــــــــــــــاتي
ياك ضاع من البُك مالـــــــــك
كنت فاكـــــــــــرك ولد عـاتي
أتاريك ياواد كريع المــــقاتي

(2)
سلام والســــــــــــــلام لله
دنيا وفيـــــــها العجــــايب
كلامك كانت عـــــايزه بله
ونسمع كلام من الغرايب

(3)
كان بدي توقف رحــــاك
واتموت وحشك الكــاسر
ما جينا نطــــــلب رضاك
ولا ليك عندنا مــفاسر

(4)
زعلان يا وِلْد والزعل ماليك
وجوفك بيهدر لهــــــــــايب
خفنا لتكون ناوي تلاكيــــك
ونطلع أحنا من أهل المعايب

( 5)
يا عمي خليك بصير وارقب
تعبونا ولاد الندايـــــــــــــل
جرحنا في القلب عقــــرب
حرك جوانا وخلانا عجايل

(6)
عرفينك يا واد ولد سبع
كريم ومن بيت كرامــــة
أبوك كان أسد مش ضبع
وليه في وجهه علامــــة

(7)
كلامك يصهر الصخر
ويشعل فينا الحرايق
أبونا راجل ولينا الفــــــــخر
وما وقف علي أبواب الحدايق

(8)
كل الصعايب تهون
ومثيل الكل تحت الترايب
ياما ناس دقت الهون
وصارت بيوتها خرايب

(9)
يا واد سكتك كلها تعاتير
وخايف لاتحط قدومك
وأمشي وابعد عن الزعابير
لتقلع في يوم هدومك

(10)
الي يمشي مع الكريم ماينضام
ولا يخشي في الحق ملامة
حقنا مش عايز كمنضدام
ولا يجي حق بدوم كرامة

(11)
يا واد هدي طبايعك
وخليها تعدي جمايل
الناس زي صوابعك
وكتر يحب الحمايل

(12)
دوختني معاك يا عم
ولسانك كله مرارة
عايش حياتك علي النم
ووشك ما فيه حرارة

(13)
أيوه علي الأدب والرزانة
شهامة وطبعك زي النمور
أن كنت شديد وعندك متانة
هات باطي في باطك
والني تاكله الكلاب والنسور

(14)
يا مصبر الوحش علي الجحش يارب
فكرتني بكلاب الزرايب
تشوفني يركبك الكرب
واتطلع وسخك قرايب

(15)
يا عم روح واقفل خشامك
أعمي ونازل في الخلق تدب
عصاية نكسر بيها عظامك
ونوزع لحومك للوحش والدب

(16 )
نمشي وليك ما نعود
وإن عدنا تكون تبت
خسارة نكسر العود
لو ضربنا بدالك بنت

بقلمي @سيد يوسف مرسي
حقوق النشر /من ديواني
(رباعيات الجُهَني )

**سيد يوسف مرسى** · 01-12-2015, 22:43

(رباعياتي الواوية )
(حوار الولد وأمه )
يا أمي جيتك ومتشوق
وبدي نبوس القدامي
خفت لتقلولي الولد عـــوق
باع الرباية ونـــاساني
*****
يا كبدي غيابك قلـــــــــقني
والبعد حير قلب الوِليدة
خفت لتكون ناسي وتركني
وبيني وبينك بلاد بعيده
*****
البعيد يا أمي يقربلك
ولو جينا علي القدام حافين
يارب يا أمي ما أكون غضبتك
والمغفرة يا أمي وليك مدين
*****
بدعيلك يا ولدي من قلب خالص
وبدي من ربي تنول السلامة
أفديك بروحي والقلب خالص
ما تمشي يابني في سكة ندامة
*****
مهما عملت يا أمي ما أوفي
لو جبت ليك ثمار الجناين
الدين قلي ما اقدر أوفي
كفاية منك أدوق الحناين
*****
شلت في القـــــــــلب والنني
وسهرت بيــــــــــــك الليالي
أبوك سابنـــــــــــي وتركني
وأنا شلت هـــــــــــم العيالي
*****
يا أمي تعبتي وربك عطاكي
والزرع لازم من حصـــــــاده
شربت منك والود نفــــــعني
والعند عمره ما ينفع صحابه
*****
ربيتك علي العز ما تــــــــوه
وخفت عليك من الهوى الطاير
وأديك يا ولدي صرت مندوه
وراجل ما تهزك جبـــــــــاير
*****
بادعيلك يا أمي بطوله العمر
من بعدك ما فيــــــــه حبايب
لو مُتِي حا أمـــــــوت ضمر
ما يهمني خـــــل ولا قرايب
*****
سلامتك يا ولدي من الموت
عشت عمري عشان أشوفك
تغور الغربة وهـــــــّم القُوت
كفاية يا ولدي إني أشوفك
*****
بقلمي // سيد يوسف مرسي

**ابن عسكر** · 20-04-2016, 11:52

**سيد يوسف مرسى** · 23-01-2018, 20:57

وحد الله واحسن الظن
ربك عليم بالخفــايا
ابليس ضيعه الظــن
خليك بعيد ربك معايا

**سيد يوسف مرسى** · 23-01-2018, 21:00

الصلى على الزين فرض
وكترها يجيب الشفاعة
إياك تقيم صلاتك بعرض
غاليه وأحسن بضاعة

**سيد يوسف مرسى** · 23-01-2018, 21:01

أيام راحت ومرت
وأيام راحت ما جات
عملنا المعارف ما تمرت
والفقري دايما يقول هات

**سيد يوسف مرسى** · 23-01-2018, 21:05

من جرحك عايش عليل
والحزن منك دواير
صاحبك مش ناكر جميل
إياك في يوم تعاير

**سيد يوسف مرسى** · 23-01-2018, 21:12

يا اللي بنيت بيتك من البوص
وقعدت جواه ساكن ونايم
كان ممكن تبنيه بلا بوص
بيت الخفيف مش دايم

**سيد يوسف مرسى** · 08-09-2021, 15:48

كف مواسخك يا لئيم واتلم
الورد مهما كان مش لم
يفضل عبيره فيه وتنده بالعم
أما قليل الأصل مهما الزمان يديه
المشيه رعنه والكلام بالذم
لو شفته يوم صابك اللئيم بالغم
الله يجازي المواسخ ركبونا الهم

**سيد يوسف مرسى** · 08-09-2021, 15:51

يا صاحبي ليه بتذم
ونازل تعيد وتزيد
بطل يا صاحبي الذم
الموت ماله مواعيد

**سيد يوسف مرسى** · 09-09-2021, 07:00

احكي لبعض الناس
والبعض ما تحكيه
جنبك يقف وسواس
عايزك تكون لميه

@@@
إياك تقول للندل مجروح
وتنسى الطبيب قل لك
ما تفشي جروحك لمجروح
وتقوله أصبحت أنا مثلك

@@@
صاعك وهات وحط
الدنيا صبحت كبينا
يعيش فيها الفروج والبط
الله يصلح سلامه ومينا

@@@

اشمت على كد. ما تقدر
الساقية دايره طحينه
قدر وربك للعبد قدر
والأخره مرسى ومينا

**سليمى السرايري** · 09-09-2021, 08:36

المشاركة الأصلية بواسطة سيد يوسف مرسى مشاهدة المشاركة

يا صاحبي ليه بتذم
ونازل تعيد وتزيد
بطل يا صاحبي الذم
الموت ماله مواعيد

جميل فعلا هذا البيت الذي أعتبره حكمة عميقة لمن يأخذون الحياة بسطحية شعارهم النميمة والشتم والطعن في الظهر ويتناسون أن الموت أقرب من رشفة ماء

تحياتي الشاعر الرائع أستاذ سيد يوسف مرسى

**سيد يوسف مرسى** · 14-04-2022, 19:08

رسمت حروفي مراكب
في البحر تمشي سنين
قولك على وشك مراكب
دا الحرف فيه تسكين
*****
الكلمة عندي وعندك أمانه
وأخشى الدخول في الطين
طمن فؤادي وسبب الخيانه
وأخشى عرق الجبين

*****
الود له طير يسكن بهذه
لو شافك يبكي الندامة
يضحك بسنه ويفتكر عشه
واللي كان بينا عدامه
*****
جرح الخليل ما يطيب
لو طببه ألف مداوي
بده بالود مش بالطيب
فعلك يا خل فت الكلاوي
*****
أفتح كفايفك وسلم
وسيبك من فعل الولايه
بلاش من البكا وسلم
محدش عايز منك جرايه
*****
روض في قلبك وهديه
واياك تكسر ضلوعك
القلب عايز اللي يهديه
ما يصاحب واحد فلوعك
*****
الشر منك وليك
ماشي يا صاحبي بلوعك
هدي وا فتح لينا ايديك
ما تشرب ميه بكوعك
*****

**سيد يوسف مرسى** · 02-09-2022, 17:22

القلب كالمهر جواد
كالنخل يطرح ويدي
ما يبقى البخيل جواد
كالهم ياخد ما يدي

@@@
من القلب للقلب رسول
دايما يتلقوا رسايل
ما يعرف الحب عزول
ولا ليه فالحب سبايل

@@@@
حظك كالنخل طارح
سبايطه على كل لون
الفقري ماليه مطارح
يتشهى على قشر دوم

واوات //سيد يوسف مرسي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث