تويت
فيلسوف فاق من النوم ، شاف فرشتو مبلولة
جنّ الزلمة و ما عرف شو بدو يساوي ، إجيت مرتو من المطبخ
و بإيدها القهوة ، توتر الفيلسوف و خجل من الموقف و قال :
شوفي يا بنت الحلال ، هلّا في شي اسمو الوعي و في شي
اسمو الإدراك .
الوعي : هو ردود فعل الإنسان تجاه المؤثرات الموجودة
و في وعي عفوي و وعي تأملي .. و كل وحدة من هدول
بتختلف عن غيرها .
بعدين في شي اسمو الشعور و اللاشعور .
فأنا كنت نايم ، مأدرك أني موجود وهاد بالإدراك ، بس ما شعرت
باللي صار ، يعني الشي اللي صار باللاشعور . و لو كان بالشعور
كنت ابتعدت عن الخطأ ، فالمشكلة كبيرة و معقدة .
بعدين حسب نظرية فيثاغورث .. قالت المرأة شو دخل فيثاغورث ؟
قال الفيلسوف : شلون شو دخلو فيثاغورث ، هلا هي النظرية
مو رياضيات ؟ قالت المرة : صح ، فقال : طيب الرياضيات مو منطق ؟
قالت المرة : يمكن قرأت بزمناتي هيك شي .
قال الفيلسوف :أي معناتو نظرية فيثاغورث في إلها علاقة بالفلسفة و باللي صار .
قالت الزوجة : حبيبي روح غير أواعيك لأنو ريحتك طالعة .
بس خليك صاحي يعني بالوعي ، و لا تكون برات الإدراك أو تكون باللاشعور
مشان ما تخربط باللبس ، لانو ما ناقصني محاضرة جديدة .
تعليق