تويت
اهْبَلْ لاَ تَغْفَلْ
اهْبَلْ لاَ تَغْفَلْ
**********
خلِّي حْرُوفَكْ بارُودْ
أوْفْ عِِينْ الظِّالَمْ سَفُّودْ
اللَّوَّلْ يَرْدِيِهْ
وَالثَّانِي يَعْمِيهْ
خلِّي حْرُوفَكْ حَارَّة
لَبََّسْهَا لَ لْفَاسَدْ يتْعَرَّا
يمْكَنْ يْتُوبْ مَايْعُودْ
خَلِّي حْرُوفَكْ جْمَرْ
گَادْيَة فَطْوَاشْهَا يْشَايَرْ
مِنْ كَانُونْ فاخرُو زْهَرْ
خَلِّي لَقْصِيدَة بْحَرْ
هايَجْ مْوَاجُو تَهْدَرْ
وَسْطُو صَرَّاطَة تَبْلَعْ
وَعْجَاجْ صَاخَطْ مَايَشْفَعْ
اهْبَلْ :
هْبَلْ خلِّي حْرُوفَكْ نْبَلْ
خَارْجَة اطَّلّْ
وْمنْ قَوْسْ لقْلاَمْ تَجْفلْ
قَاصْدَة كَسْدَةْ هَاذَاكْ
اللِّي بَاعَكْ ، وْمَاشْراكْ
وَلاَ وَرّْْثُوكْ لِيهْ جْدُودْ
غِ هْدَاوَكْ لِيهْ شِي قْرُودْ
قايَضْهُومْ بَ عْفَا
وْجَعْلُو منُّو مَعبُودْ
*****************
المريني ادريس
القصر الكبير بتاريخ : 02 / 09 / 2014