تويت
مدمعيش يام العيون السود
مانتى ابتديتى بالجراح
مدمعيش ومتندميش على حب راح
دانا ياما دقت الذل منك
وراجعه تانى تطلبى من السماح
طب اقوله ايه ؟؟
قلبى اللى عاش عمره يحبك
ولا مره فكر يجرحك
كنتى الحياه بالنسبه ليه
بس النهاردة هيمسحك
ويدوقك من نفس كاسه
وبسيف خيانتك راح يدبحك
مانا عشت عمرى كله ليكى
أراجوز وبتلاعبيه فـ ايديكى
بتجرحيه .. بتذلى فيه
وكان شريكى
مدمعيش ومتندميش
مانا ياما قلبى هاان عليكى
دلوقتى حبك عنده ذكره
وخلاص نسيكى
ومن النهارده قلبى مات
والبركه فيكى
كلمات / محمد هنداوى
10/09/2014م