"لما الحكاية تنتهي
وينرل الستار
بعد الفصل الأخير
الجميع بيتفرق
في المشواير
وحتي الستار
مبيحفظش الحكاوي
ويبات مستني يعرف
ايه الحكاية الجديدة
يادنيا ياغريبه
هنموت في كام مشهد
عشان تصدقي
اننا ملينا المشهد
طب نضحك لحد الثمالة
ولا انتي مبتجديش
غير الضحكة المحتالة
رفوف بقاله
وعليها مرصوصين
وبكل يوم بسعر
مننا أصناف بتزيد
ومننا اصناف مع الوقت
مبتستحملش الوقت
فخسارتها تزيد
ويبقه الخلاص منها
افضل من ركنه ع الرفوف
ظروف وبتشكلنا
واحنا عساكر الظروف
مين اللي مش محبوس في سجن من خوف
ورغم كده بنقاوم
مع اننا ضيوف
بس الحزن كما كهوف ضلام
واحنا عشاق للحياة
منرضهاش غير بالأحلام
ورغم ان الستاير بتنسي
لكن الستاير كما البشر
مبتتعلمش غير من الحكايات
فلا احنا هنبطل غنا
ولا هنبطل نعيش
ديه الدنيا محاوله في محاوره
في ممارسة فن الطيش"