كوستـرات " على الماشي "
" لـم يـنـجـح أحـــــد "
بقلمي " أحمدخيـرى "
صوت عبـر الاثـير .. أو مرئى .. أو " فى أي حته "
مدرسة " أبــو الولاد " الثانوية :
- لم ينجح أحد ...
مدرسة " أم البنات" الثانوية :
- لم ينجح أحد ..
مدرسة " الأسرة السعيدة "
- لم ينجح أحد .
مدرسة ... مدرسة .. مدرسة .
" لم ينجح أحد "
" أمام الستار "
كان الاساتذة " حسنين ، وعبد الفتاح ، و فؤاد ، و عادل " المسؤولين عن وضع " إختبارات الثانوية العامة " فى حالة فرح " هايبـر "
احضان ، وصيحات نصـر ، وتسلم الايادي
،
و
- لولولولولولولولولو لــــــي
" فلاش باك "
قبل شهرين عن موعد اختبارات الثانوية العامة .. حدث إجتماع هام .. مع الاستاذ " مهيب عبد الجبار " المسؤول التقنى " فى الوزارة " المعين لـ تعقيد الطلبة
طالب فيه بـ لقاء الاساتذة الاربعة ..
فـ جاء اللقاء :
حسنين : - هو في إيه يا اخوانا ؟!
فؤاد : - بلاش اخوانا دي، وحياة ابوك .. ما تلبسناش تهمة .. خليها اخواتنا أحسن ..
"طيب هو فيه يا اخواتنا .. الكلام على إيه ؟!
فؤاد : - مهيب باشا .. عايزنا ، ما تعرفش إيه الموضوع يا عبده ؟
عبد الفتاح :- أكيد فى مجزرة ..
" مهيب بن عبد الجبار " مايلمناش كده .. الا اذا كان فى اذية لـ حد .. وأذية كبيـرة كمااان ..
حسنين : - مش "استاذ :عادل إكتئاب " إللى هناك ده يا عبده ؟!
عبد الفتاح : - هو بـ عينه .. تبقى كملت .. كده ممكن أقولكم ..أن فى حرب على الابواب
فؤاد : - بصـراحة أناقلبى مش مطمن .. ممكن يكون الاجتماع ده ..بسبب موضوع الدروس الخصوصية.. مــ انت عارف .. إحنا رفعنا الاسعار الاسبوع إللى فات ..
حسنين : - ما اعتقدش .. ده الوزير نفسه شغال على الدروس .. انا شايفه رايح لـ عيل فى العماره إللى جنبي ..الاسبوع إللى فات
يقـترب منهم " عادل " بعد اشارة من " فؤاد " ، ويميل حسنين على اذن " عبد الفتاح قائلا :
- شكله غريب " عادل " ده .. دايما مكشر ، ومكتئب ...
- لاااااا ، وغلس كمان
- هههههه .. ازيك يا عادولة
- عادولة ؟!!! " احترم نفسك يا استاذ.. المفروض انك مدرس "
عبد الفتاح: - الراجل بيهزر معاك .. ماتبقاش حنبلى .
فؤاد : - ماعلينا يا جماعة خلينا فى الاجتماع .. حد يعرف ايه سببه
حسنين : - بلاش جماعة دي .. متودناش فى داهية .. خليها فريق أحسن ؟!
ينظر إليه كل من عادل ، وفؤاد بـ ضيق .. ثم يكرر فؤاد سؤاله .. فـ يرد عادل :
- اكيد عشان الامتحانات
- امتحانات إيه ؟!
- إمتحانات اخر السنة
يقاطعهم " حسنين " فجأة " بينا يا فريق " الفراش بتاع " مهيب باشا " بيسأل علينا .
" مشهد داخلي "
تختلف غرفة " المستشار او الاستاذ : مهيب عبد الجبار " عن اي غرفة " تخص إدارة تعليمية او تربوية فى العالم "
غرفة ذات اضاءة خافتة .. تتوسطها طاولة تتناثر عليها ملفات وصور " تظهر وكأنها لـ بعض الطلبة المغضوب عليهم " اما عن ديكورالغرفة .. فقد امتلئت بـ السلاسل ، والجنازير .. وفى احد الزوايا " كانت آلة الجلد الشهيـرة " المسمى بـ العروسة التى يكبل فيها المحكوم عليهم بـ الجلد " وارتفع على حائط هذه الغرفة .. بعض الصور لـ من يعتبرهم " مثل عليا " كـ" كاليجولا ، نيـرون ، جانكيز خان ، وحتى دافيد بن جوريون "
اما عن السيد مهيب نفسه " فكان طويل القامة .. عرض المنكبين اصلع الرأس.. ذو انف افطس .. ضيق العينين ، ويبرز انتفاخ واضح تحت ابطه الايمن " يختفى خلف سترته " يتحسسه بين الحين ، والاخـر .
وفى صوت جهور بدأ حديثة مباشرة فـ قال :
- انتم عارفين .. انا جمعتكم ليه ؟
الجميع فى صوت واحد :
- لاااااا يا باااااشا .. بس احنا تحت امرك .. فى إللي تؤمر بيه .
يتوجه بهم إلى الطاولة ، وقد ازاح بعض الملفات ، والصور .. لتحل مكانها " خريطة توزيع المدارس الثانوية داخل البلاد .. وماكيت أخر " يمثل " الجامعات "
ثم قال :
- صدرت اوامر عليا .. لتخفيض نسبة الطلبة فى الجامعة السنة الجايه ..
" وده راجع لـ عدة اسباب .. أهمهم " المظاهرات ، ثم مفيش مكان فى الجامعات لـ مدة خمس سنين ، وفى سبب تالت ، لكنه سري للغاية ، واعتقد والله اعلم أن خاص بالمعونة الخارجية .
ثم يتجه إلى خريطه المدارس الثانوية قائلاً :
- هنا ارض المعركة .. الاعداء مـ تواجدين فى الفصول .. داخل " المواقع" دي
- المدارس يعنى هااا .
- الهجوم هـ يبدأ مع امتحانات اخر السنة
" المطلوب "
- صنع خطه لـ الرسوب الجماعي .. مش عايز طالب ينجح ..
- اعملولهم اسئلة من عينتكم .. كلها عقد، وكلاكيع ... ، وعايزها حرب نظيفة ..
- أقصد أ ن يكون كل شىء قانونى .. عشان محدش من الاباء " يشتكى بعد الرسوب "
- عايز سقوط رسمي ..
" مفهوم .. إنتهى .. لـ الخلف در .
بعد الاجتماع " فى غرفة أخري "
تبدو الحيـرة على وجوه " الاساتذة " وهم يخططون لـ " عملية الرسوب الجماعي "
يظهر على " حسنين بعض التعاطف مع الطلبة " فـ يبادر قائلاً
- يعنى هانعمل ايه فى الولاد أكـتر من إللي بنعمله .. مش كفاية عليهم المنهج المقرف ..اللي اختراعناه..
" طيب هـ نسقطهم إزاي .. ايه رايكم تكون الاسئلة من مقررات الجامعة
عادل : - انت بـ تهزر يا افندي ؟ مقررات " جامعة إيه " هـ يجاوبوا عليها طبعا .. دي عيال زى الشياطين
فؤاد : إيه رأيكم نعملهم امتحانات من مقرارت دول اجنبية ؟
- برضه هـ يجاوبوها .. اصل انت متعرفهموش .. العيال دي عاملين اتحاد كونفدرالي .. مع اللى فى سنهم من الدول التانيه .. ساكت ليه يا "عبد الفتاح " قول رآيك
فؤاد : - مالك يا عبده مبلم ليه
عبد الفتاح : - هما الطلبة اليومين دول .. بيكروهوا إيه فى المقررات ، والمواد .
حسنين : - اشمعنى ؟!
- بس قولى بس يا راجل
- حسب الملاحظ انهم بيكروه العربى ، والتاريخ ، والمواد الادبية
فؤاد : - بيكرهوا العربى .. عشان بيقولوا مفيش عرب دلوقتى.
عبد الفتاح : - يعنى ايه مفيش عرب
- يعنى مفيش حد بيقول انا عربى ..
" ده بيقول انا مصري ، وده انا ليبي ، وده انا لبنانى ، و انا خليجي ..
- لكن عرب .. بمعنى شعب واحد وقلب واحد مفيش
عبد الفتاح :- جميل اوي ... و بالنسبة لـ التاريخ
حسنين : -لاااااا .. دول متعقدين منه .. مش مصدقين التاريخ اساسا
" بيقولوا إزاى كنا زمان كده وبقينا كده ..
" مش مصدقين .. ان كان فيه احمس ، وتحتمس ، وحمورابى ، وبختنصر ، والنعمان ، والرشيد ..
- بيقولوا فين القائد اللى زي " صلاح الدين ، وقطز ، وبيبرس ، وسيف الدوله" كل اللي شايفينه تفكك ، وحكام بيأسفنوا فى بعض ، وبيجيبوا الاجانب تضرب فيهم
عبد الفتاح: - عاااااال جدا هايل والله .. طيب ، وبالنسبة لـ الادب
فؤاد : - ادب ايه يا عبده ... دول عيال عديمة الأدب .. البـركة فى الدروس الخصوصية .. انسي مش محتاجة شرح ..
فـ يشرق وجه " عبد الفتاح " وتبرق عينيه قائلاً
" خلاص يارجالة .. انا لاقيت الحل .. وكلهم هـ يسقطوا
- هـ نلغى المقرارات دي من إمتحانات اخر السنة
فؤاد : - نعم يا اخويا ... إحنا كنا معتمدين على المواد دي .. عشان نسقط العيال
- اسمعونى بس .. احنا هـ نعمل كده تمويه .. لكن الحقيقه ..ان كل الامتحانات هـ تكون " عربى، وتاريخ ، وادب "
عادل " - حتى الانجليزي ، والفرنساوي ، والكمبيوتر
- اسم الله عليك
حسنين: - طيب إزاي .. فزورة دي .. حد فاهم حاجة ..
فـ ينتشى " عبد الفتاح " بينهم وهو يقول :
- هـ تشوفوا ، وابقوا قابلونى .. لو واحد نجح ..
- هـ نعمل كل امتحان سؤال واحد بس.. ومفيش مخلوق هـ يعرف يـجاوبه ، واتحدي .
" لو طلعوا ( اينشتاين ) نفسه من تربته .. مش هايعرف يحل .
ثم أخذ يشرح فكرته " الجهنمية " لهم .
،
و
" اسئلة إختبارات نهاية العام لـ مرحلة الثانوية العامة بـ شقيها الادبي ، والعلمي "
سؤال مادة الرياضيات
- عرف االحاصل الديكارتي .. لـ مكعب تربيع سرعة الضوء .. مضروب فى النظير الجمعى لقوة أشعار "أبا ليلي المهلهل "
يبتسم "عادل " لـ أول مرة فى حياته ، وهو يقول :
- حلو اوي السؤال ده .. بس هو مين " المهلل " ده ياجماعة ؟؟ مدرس زميل هنا ..معروف يعنى .؟!
فـ يرد عليه حسنين :
- لا ده كان واحد كده ..بيحاول يأخد تار اخوه من ولاد عمه .. فى يجي عشرين تلانين سنة ولا حاجة .
" سؤال مادة الفيزياء "
- اوجد اوجه المقارنة بين كل نظريات " لبلاس" و" ماكس ويل " و أل فريد هال " فى نشأة الكون " و ونظرية "كارل ماركس " فى رأس المال .. ، وما علاقتهم بالضبط بنظرية "افلاطون " فى المدينة الفاضلة
" سؤال مادة الفرنساوي "
- لماذا سمى ( الكسندر ديماس) الكونت دى مونت كريستو " بهذا الاسم ، ولم يسميه " حسن الهلالي " ، وما علاقه كلاهما بـ "بدران " وهل صحيح " الملك " "لويس واخوه فيليب " ابناء "دراتنيان " كما ظهر فى الفيلم ؟
عادل " - فيلم إيه ده "
- فيلم الملك ذو القناع الحديدي " شفته على ألـ " أم بى سي تو " من فتـرة "
" مش " دارتنيان " ده بتاع " الفرسان التلاته "
- ايون هو بعينه ..
" يبقى تضيف علي السؤال " ولماذا سميت الرواية بـ الفرسان الثلاثة برغم كونهم اربعة ؟
" الله ينور على شيطان افكارك يا " عادولة "
فؤاد " - الله ينور على افكارك انت .. ياعبده ياجميل ... يا ااا متوحش..
- ايه الافترا ده .. دانت غلبت ظباط مباحث امن الدولة .. لما نشوف بقى هـ ينجحوا إزاي
....
ختام
صوت عبـر الاثـير .. أو مرئى .. أو " فى أي حته "
مدرسة " أبــو الولاد " الثانوية :
- لم ينجح أحد ...
مدرسة " أم البنات" الثانوية :
- لم ينجح أحد .
،
و
يتنهد " فؤاد " فى إرتياح قائلاً
- الحمد لله الواحد عمل اللي عليه
"حسنين" - ياترى المكافأت ..هـ تطلع كااام المرة دي ؟
"عادل " - مكافأت إيه .. إحنا مش بتوع مكافأت .. احنا بنعمل لصالح البلد
" عبد الفتاح "- ااااااااه والله ..
" الحمد لله
"كله عشانك يا مصـر "
تمت
تمت
" لـم يـنـجـح أحـــــد "
بقلمي " أحمدخيـرى "
صوت عبـر الاثـير .. أو مرئى .. أو " فى أي حته "
مدرسة " أبــو الولاد " الثانوية :
- لم ينجح أحد ...
مدرسة " أم البنات" الثانوية :
- لم ينجح أحد ..
مدرسة " الأسرة السعيدة "
- لم ينجح أحد .
مدرسة ... مدرسة .. مدرسة .
" لم ينجح أحد "
" أمام الستار "
كان الاساتذة " حسنين ، وعبد الفتاح ، و فؤاد ، و عادل " المسؤولين عن وضع " إختبارات الثانوية العامة " فى حالة فرح " هايبـر "
احضان ، وصيحات نصـر ، وتسلم الايادي
،
و
- لولولولولولولولولو لــــــي
" فلاش باك "
قبل شهرين عن موعد اختبارات الثانوية العامة .. حدث إجتماع هام .. مع الاستاذ " مهيب عبد الجبار " المسؤول التقنى " فى الوزارة " المعين لـ تعقيد الطلبة
طالب فيه بـ لقاء الاساتذة الاربعة ..
فـ جاء اللقاء :
حسنين : - هو في إيه يا اخوانا ؟!
فؤاد : - بلاش اخوانا دي، وحياة ابوك .. ما تلبسناش تهمة .. خليها اخواتنا أحسن ..
"طيب هو فيه يا اخواتنا .. الكلام على إيه ؟!
فؤاد : - مهيب باشا .. عايزنا ، ما تعرفش إيه الموضوع يا عبده ؟
عبد الفتاح :- أكيد فى مجزرة ..
" مهيب بن عبد الجبار " مايلمناش كده .. الا اذا كان فى اذية لـ حد .. وأذية كبيـرة كمااان ..
حسنين : - مش "استاذ :عادل إكتئاب " إللى هناك ده يا عبده ؟!
عبد الفتاح : - هو بـ عينه .. تبقى كملت .. كده ممكن أقولكم ..أن فى حرب على الابواب
فؤاد : - بصـراحة أناقلبى مش مطمن .. ممكن يكون الاجتماع ده ..بسبب موضوع الدروس الخصوصية.. مــ انت عارف .. إحنا رفعنا الاسعار الاسبوع إللى فات ..
حسنين : - ما اعتقدش .. ده الوزير نفسه شغال على الدروس .. انا شايفه رايح لـ عيل فى العماره إللى جنبي ..الاسبوع إللى فات
يقـترب منهم " عادل " بعد اشارة من " فؤاد " ، ويميل حسنين على اذن " عبد الفتاح قائلا :
- شكله غريب " عادل " ده .. دايما مكشر ، ومكتئب ...
- لاااااا ، وغلس كمان
- هههههه .. ازيك يا عادولة
- عادولة ؟!!! " احترم نفسك يا استاذ.. المفروض انك مدرس "
عبد الفتاح: - الراجل بيهزر معاك .. ماتبقاش حنبلى .
فؤاد : - ماعلينا يا جماعة خلينا فى الاجتماع .. حد يعرف ايه سببه
حسنين : - بلاش جماعة دي .. متودناش فى داهية .. خليها فريق أحسن ؟!
ينظر إليه كل من عادل ، وفؤاد بـ ضيق .. ثم يكرر فؤاد سؤاله .. فـ يرد عادل :
- اكيد عشان الامتحانات
- امتحانات إيه ؟!
- إمتحانات اخر السنة
يقاطعهم " حسنين " فجأة " بينا يا فريق " الفراش بتاع " مهيب باشا " بيسأل علينا .
" مشهد داخلي "
تختلف غرفة " المستشار او الاستاذ : مهيب عبد الجبار " عن اي غرفة " تخص إدارة تعليمية او تربوية فى العالم "
غرفة ذات اضاءة خافتة .. تتوسطها طاولة تتناثر عليها ملفات وصور " تظهر وكأنها لـ بعض الطلبة المغضوب عليهم " اما عن ديكورالغرفة .. فقد امتلئت بـ السلاسل ، والجنازير .. وفى احد الزوايا " كانت آلة الجلد الشهيـرة " المسمى بـ العروسة التى يكبل فيها المحكوم عليهم بـ الجلد " وارتفع على حائط هذه الغرفة .. بعض الصور لـ من يعتبرهم " مثل عليا " كـ" كاليجولا ، نيـرون ، جانكيز خان ، وحتى دافيد بن جوريون "
اما عن السيد مهيب نفسه " فكان طويل القامة .. عرض المنكبين اصلع الرأس.. ذو انف افطس .. ضيق العينين ، ويبرز انتفاخ واضح تحت ابطه الايمن " يختفى خلف سترته " يتحسسه بين الحين ، والاخـر .
وفى صوت جهور بدأ حديثة مباشرة فـ قال :
- انتم عارفين .. انا جمعتكم ليه ؟
الجميع فى صوت واحد :
- لاااااا يا باااااشا .. بس احنا تحت امرك .. فى إللي تؤمر بيه .
يتوجه بهم إلى الطاولة ، وقد ازاح بعض الملفات ، والصور .. لتحل مكانها " خريطة توزيع المدارس الثانوية داخل البلاد .. وماكيت أخر " يمثل " الجامعات "
ثم قال :
- صدرت اوامر عليا .. لتخفيض نسبة الطلبة فى الجامعة السنة الجايه ..
" وده راجع لـ عدة اسباب .. أهمهم " المظاهرات ، ثم مفيش مكان فى الجامعات لـ مدة خمس سنين ، وفى سبب تالت ، لكنه سري للغاية ، واعتقد والله اعلم أن خاص بالمعونة الخارجية .
ثم يتجه إلى خريطه المدارس الثانوية قائلاً :
- هنا ارض المعركة .. الاعداء مـ تواجدين فى الفصول .. داخل " المواقع" دي
- المدارس يعنى هااا .
- الهجوم هـ يبدأ مع امتحانات اخر السنة
" المطلوب "
- صنع خطه لـ الرسوب الجماعي .. مش عايز طالب ينجح ..
- اعملولهم اسئلة من عينتكم .. كلها عقد، وكلاكيع ... ، وعايزها حرب نظيفة ..
- أقصد أ ن يكون كل شىء قانونى .. عشان محدش من الاباء " يشتكى بعد الرسوب "
- عايز سقوط رسمي ..
" مفهوم .. إنتهى .. لـ الخلف در .
بعد الاجتماع " فى غرفة أخري "
تبدو الحيـرة على وجوه " الاساتذة " وهم يخططون لـ " عملية الرسوب الجماعي "
يظهر على " حسنين بعض التعاطف مع الطلبة " فـ يبادر قائلاً
- يعنى هانعمل ايه فى الولاد أكـتر من إللي بنعمله .. مش كفاية عليهم المنهج المقرف ..اللي اختراعناه..
" طيب هـ نسقطهم إزاي .. ايه رايكم تكون الاسئلة من مقررات الجامعة
عادل : - انت بـ تهزر يا افندي ؟ مقررات " جامعة إيه " هـ يجاوبوا عليها طبعا .. دي عيال زى الشياطين
فؤاد : إيه رأيكم نعملهم امتحانات من مقرارت دول اجنبية ؟
- برضه هـ يجاوبوها .. اصل انت متعرفهموش .. العيال دي عاملين اتحاد كونفدرالي .. مع اللى فى سنهم من الدول التانيه .. ساكت ليه يا "عبد الفتاح " قول رآيك
فؤاد : - مالك يا عبده مبلم ليه
عبد الفتاح : - هما الطلبة اليومين دول .. بيكروهوا إيه فى المقررات ، والمواد .
حسنين : - اشمعنى ؟!
- بس قولى بس يا راجل
- حسب الملاحظ انهم بيكروه العربى ، والتاريخ ، والمواد الادبية
فؤاد : - بيكرهوا العربى .. عشان بيقولوا مفيش عرب دلوقتى.
عبد الفتاح : - يعنى ايه مفيش عرب
- يعنى مفيش حد بيقول انا عربى ..
" ده بيقول انا مصري ، وده انا ليبي ، وده انا لبنانى ، و انا خليجي ..
- لكن عرب .. بمعنى شعب واحد وقلب واحد مفيش
عبد الفتاح :- جميل اوي ... و بالنسبة لـ التاريخ
حسنين : -لاااااا .. دول متعقدين منه .. مش مصدقين التاريخ اساسا
" بيقولوا إزاى كنا زمان كده وبقينا كده ..
" مش مصدقين .. ان كان فيه احمس ، وتحتمس ، وحمورابى ، وبختنصر ، والنعمان ، والرشيد ..
- بيقولوا فين القائد اللى زي " صلاح الدين ، وقطز ، وبيبرس ، وسيف الدوله" كل اللي شايفينه تفكك ، وحكام بيأسفنوا فى بعض ، وبيجيبوا الاجانب تضرب فيهم
عبد الفتاح: - عاااااال جدا هايل والله .. طيب ، وبالنسبة لـ الادب
فؤاد : - ادب ايه يا عبده ... دول عيال عديمة الأدب .. البـركة فى الدروس الخصوصية .. انسي مش محتاجة شرح ..
فـ يشرق وجه " عبد الفتاح " وتبرق عينيه قائلاً
" خلاص يارجالة .. انا لاقيت الحل .. وكلهم هـ يسقطوا
- هـ نلغى المقرارات دي من إمتحانات اخر السنة
فؤاد : - نعم يا اخويا ... إحنا كنا معتمدين على المواد دي .. عشان نسقط العيال
- اسمعونى بس .. احنا هـ نعمل كده تمويه .. لكن الحقيقه ..ان كل الامتحانات هـ تكون " عربى، وتاريخ ، وادب "
عادل " - حتى الانجليزي ، والفرنساوي ، والكمبيوتر
- اسم الله عليك
حسنين: - طيب إزاي .. فزورة دي .. حد فاهم حاجة ..
فـ ينتشى " عبد الفتاح " بينهم وهو يقول :
- هـ تشوفوا ، وابقوا قابلونى .. لو واحد نجح ..
- هـ نعمل كل امتحان سؤال واحد بس.. ومفيش مخلوق هـ يعرف يـجاوبه ، واتحدي .
" لو طلعوا ( اينشتاين ) نفسه من تربته .. مش هايعرف يحل .
ثم أخذ يشرح فكرته " الجهنمية " لهم .
،
و
" اسئلة إختبارات نهاية العام لـ مرحلة الثانوية العامة بـ شقيها الادبي ، والعلمي "
سؤال مادة الرياضيات
- عرف االحاصل الديكارتي .. لـ مكعب تربيع سرعة الضوء .. مضروب فى النظير الجمعى لقوة أشعار "أبا ليلي المهلهل "
يبتسم "عادل " لـ أول مرة فى حياته ، وهو يقول :
- حلو اوي السؤال ده .. بس هو مين " المهلل " ده ياجماعة ؟؟ مدرس زميل هنا ..معروف يعنى .؟!
فـ يرد عليه حسنين :
- لا ده كان واحد كده ..بيحاول يأخد تار اخوه من ولاد عمه .. فى يجي عشرين تلانين سنة ولا حاجة .
" سؤال مادة الفيزياء "
- اوجد اوجه المقارنة بين كل نظريات " لبلاس" و" ماكس ويل " و أل فريد هال " فى نشأة الكون " و ونظرية "كارل ماركس " فى رأس المال .. ، وما علاقتهم بالضبط بنظرية "افلاطون " فى المدينة الفاضلة
" سؤال مادة الفرنساوي "
- لماذا سمى ( الكسندر ديماس) الكونت دى مونت كريستو " بهذا الاسم ، ولم يسميه " حسن الهلالي " ، وما علاقه كلاهما بـ "بدران " وهل صحيح " الملك " "لويس واخوه فيليب " ابناء "دراتنيان " كما ظهر فى الفيلم ؟
عادل " - فيلم إيه ده "
- فيلم الملك ذو القناع الحديدي " شفته على ألـ " أم بى سي تو " من فتـرة "
" مش " دارتنيان " ده بتاع " الفرسان التلاته "
- ايون هو بعينه ..
" يبقى تضيف علي السؤال " ولماذا سميت الرواية بـ الفرسان الثلاثة برغم كونهم اربعة ؟
" الله ينور على شيطان افكارك يا " عادولة "
فؤاد " - الله ينور على افكارك انت .. ياعبده ياجميل ... يا ااا متوحش..
- ايه الافترا ده .. دانت غلبت ظباط مباحث امن الدولة .. لما نشوف بقى هـ ينجحوا إزاي
....
ختام
صوت عبـر الاثـير .. أو مرئى .. أو " فى أي حته "
مدرسة " أبــو الولاد " الثانوية :
- لم ينجح أحد ...
مدرسة " أم البنات" الثانوية :
- لم ينجح أحد .
،
و
يتنهد " فؤاد " فى إرتياح قائلاً
- الحمد لله الواحد عمل اللي عليه
"حسنين" - ياترى المكافأت ..هـ تطلع كااام المرة دي ؟
"عادل " - مكافأت إيه .. إحنا مش بتوع مكافأت .. احنا بنعمل لصالح البلد
" عبد الفتاح "- ااااااااه والله ..
" الحمد لله
"كله عشانك يا مصـر "
تمت
تمت
تعليق