الايم لاش تلوم غربتي
وصغ نحكيلك قصتي
بلادي مَنْ تَرْكْهَاهميم
مَلاَّ جرب حال ما دراه
شكون يسخا بلوطان
يهجر ناسو و اهلو واحبابو

القسم الاول

الغربة يا ناس حارقة
فدواخل الدات والعضا
من حر لهيبها جحيم
من صادف نصيبو خداه
صَرَّفْ مكاتب المحان
يصبر لهمومو ويصرف مكتابو

من صبرني فموطني
ورد لي عقلي وفادني
ما كنت على وجهي نهيم
كم من غاوي زاد في عماه
واهجر لرصام ولخوان
ولا يسفد من الدي قبلو غابو

من فارقني على اهلي
ولامة لولاف ولحباب
نبات وخاطري سهيم
نجاري لقدم في خطاه
والساهم من حالتو يبان
داخل فجواه ومادرا حد بمصابو

الايم لاش تلوم دمتي
لو كُنْتْ في وسط امتي
كنت نكون لترابها خديم
مانترك مبلي في بلاه
والجافل يتشدلو عنان
جاهل ماهامو غيرتعمير جيابو

القسم الثاني

الايم لا تدخل جرتي
و تكثرسيتك بسيتي
يكفاك اللوم فعرفنا دميم
ما نتبع مخلي في خلاه
لو يملك الارض و الاكوان
مايلو غيرملك قبرو وترابو

ما صبرني فغربتي
غيرلقمتي و كسوتي
ماناشي طالب النعيم
رزقي ياتني ونمشي وراه
بنادم من قديم الزمان
يروى بحليب ولا يهمو حلابو

لو عشتي مثلي فحزتي
وقاسيتي شدات ضيقتي
ولخلايق شملانها لميم
تعدر الَمْغَرَّبْ في بكاه
تمثيل الَمْيَتَّمْ فاقد الحنان
حَدْجَة قوتو مداق حنظل شرابو

وكيف انا نتدل وهمتي
وترابي بويا وممتي
وقلبي بْهْدَى ربنا سليم
لازم نرضا بِكُلْ ما بغاه
حب لوطان من الايمان
امنت بالله وبالهادي وبكتابو

القسم الثالث

ايلا شي قومان نظرتي
ما قبلو حالي وحُلـُـْتِي
وانا الشاب الفاهم النجيم
فبلدات الناس لي الله
واهب لشيات المنان
كيف تراه يخيب الواقف فِبَابُو

جابتنا لقدار عندهوم
وكتاب نعيشو بينهوم
والمفروض فديارنا نقيم
لا واحد درك ما شهاه
مْهَاجَرْ لعقل ولبدان
فبلاد الغير ضاع جهدو وشبابو

لو باب الحكمة فتحتي
وفهمتي قصدي ومعنتي
انت نور فالليل الظليم
حامل الحق ومنابر هداه
بالفعل والقول ولبيان
ما يهمك قوتك وما تلاقي بسبابو

صالت امتنا فْْـْلَََـفَََاقْ
بحسن التدبير ولخلاق
عند القدرة قادرها حليم
ليس يبيع من شراه
لو يكون كبيرما فلعديان
لو يقصد دارو يفرش ليه ثيابو

القسم الرابع

شكون وصمنا بالغدر
حتى كفرنا ملا كفر
والجاهل فينا ضحى عليم
ما حضر العلم ما قراه
وحنا بينا تجاورو ديان
حتى المسلمين فلعيون خيابو

غربة ناس اغراب
ولا الغربة مابين الاحباب
وغربة الدين القويم
من حرص على دينوحضاه
حتى من زلات اللسان
ايلا ما صانوه سنانو ونيابو

واستغفر الله ايلا سهيت
و دهيت و لا نسيت
وفعلت فعل الغشيم
انا في حرم ربي وفي حماه
يقيل عتاراللسان والبنان
يقبل عدري مثيل دوك لي تابو

واسمي فطرز الختام
فيلالي وغايت المرام
لسنة نحيي وللصلا نقيم
مالي غاية فلمال وفالجاه
الا بعض لوقات ولحيان
لا يدق شي بيبان ويعدم جوابو

صليو علهادي دوام
صلا لا نتهى بالتمام
طب المعلول والسقيم
طه دوا القلب من كل داه
زين الزين صالح ما شيان
صلا تعم كل اهلو واصحابو