تويت
خايف .. إنى أعشم نفسى بيكى ..
تطلعى زى اللى قبلك
طبعهم هو الخيانه
كنت دايمًا ويا منهم قلبى طيب
قلب ما يعرفش يجرح
وحبهم جوه منّى كان أمانه
قلب عاش العمر كله ف الجراح
وف الإهانة
بس لما جيت أنتى .. قلب حس إنك حياته
وإنك أنتى مخلوقه عشانه
بس خايف
بعد ما حبيتك إنتى تجرحينى
بعد ما سلمت قلبى بين إيديكى
تضيعى عمرى وسنينى
طمنينى .. طمنى قلبى قوليله
إن عمرك ولو للحظه مـ هتسبينى
أصلك أنتى عمرى كله
وفـ بعادك راح يزيد حزنى وآنينى
وإن مكنتش من نصيبك أوعدينى
إن هفضل ذكرى عندك
مش راح تغيب .. أو تمسحينى
كلمات / محمد هنداوى
02/11/2014م