أنا زعلان
أنا زعلان والزعل كاويني
أقعد أفكر ألاقيك ناسيني
لا فيوم تقول أجي
ولا في يوم تلاغيني
نفضت ايدي
وسلمت أمري
وسبلت جفني
وركبت بحر خيالي
زي ما أنت شايف
لسه بعوم لسه عليك نازل أنادي
أقول أمكن في يوم تسمع
أمكن في ترد
أتريك باني بينا سدود
أو رحت فوق فوق الحدود
أو أمكن تكون سكنت التراب
زي أهل القبور
نفسي أعرف سكتك
باين عليك
لسه عايش جو خواك
نفسي تقولي
ايه اللي دهاك
قولي كلمة خلاص
بدون ترقية ومهياص
إياك تخادع
ما عدتش أسمع من كلامك
ولا أشرب في يوم من كاسك
اسأل عليه مرة
ولا أمكن تكون فاكر
مفيش حاجة أسمها مزاح
ولا الدنيا فينا ليها براح
كل اللي فينا
مساحة جد من ود
بس أنت مش اللي قادرتفهم
أن اللسان هو سلاح
ممكن يقتلك
وممكن تحمي بيه كل البطاح
ياما اللسان وقع كتير
والزمن كان هو الحليم
والفعل هو الفيصل والخلاص
خلاص
مش رايح أقولك
مين الخسيس
ومين فينا الأصيل
أنا زعلان والزعل منك كاويني
عقلك في راسك تعرف خلاصك
بس منك لسه زعلان
بقلم //سيد يوسف مرسي