تويت
افاس الفنون
ضمت الدنيا اسوارك
يوم ضميتي باحضانك فاس الَبالِي
بسحرك مفتون
و فكنوزك واسرارك
وأنت غالية من كل ما هو غالي
افاس المتون
بالشريعة اضحات انــــــوارك
عنايتي وراحــــــتي ودخيرتي ومالي
افاس الشجون
ناسك همَّ عمارة دارك
جباهـــم عالية فاقت كل العــــلا لـي
افاس الملحون
ساقت الدنيا اخبارك
عــروسة محروسة بالجاه الــعـــالي
حــــبيت فضاك ومكانك
هَوَا يصفى بيه المزاج
حــبيت بناك وعمرانك
وخـطيف ساكن لبراج
حبيت عيونك وغدرانك
حلا وتها تحـلي اللجاج
تاريخك وعلمك وايمانك
لسقام لرواح هيا العلاج
افاس افاس بهجة العيان
صورة ساكنة فقلبي وعياني
افاس افاس عشق الفنان
وانت لاهــبة فـني وأ وزانــي
افاس تجاوروا فيك الاديان
مسلم موحد وعبري ونصراني
من الايمان حب الاوطــان
وانا ا خـترتـك تكون اوطــانــي
افاس افاس يحرسك الديان
من شر كـل حاقـد ظـالـم جـانـي
تعليق