تويت
ليه الرضيع خط براسه الشيب
قبل الأوان ؟!!
ليه عيشتنا مفيهاش أمان ؟!!!
ليه اتقسمنا بين
مين اللي صان
ومين اللي خان
ليه ساكتة وبتتفرجي
ابكي وعن همك فرجي
لملمي جراحك يا أمي
ومدي الايد
اضربي كل خاين بالنار والحديد
من يوم مَ ثورنا وقالوا تجديد
أربع سنين مروا
علينا من غير جديد
خسائر ف الأرواح
وناس صبحوا أشباح
والكل حبس نفسه
بين الخوف من اللي جاي
والبكى عل اللي راح
وناس بتنحر وتبيد
وكله باسم التجديد
ادبح وكبر
الله أكبر
اسبي النساء
بيع السبايا
من الصبايا
واعمل دعايا
فجر وخرب
يا فيديوهاتك
يا تعليقاتك
ركز شوية
هي الشرعية تقتل في
أهلك وناسك
وتدوسنا بمداسك
يا أنت مغيب
أو مات احساسك.
تعليق