ياترى مرسى اتظلم ؟؟
ياترى مرسى أتظلم ؟؟
ولا ظلم نفسه
ولا ظلمنا معاه
ولا أحنا اللى ظلمناه
ولا اللى ظلمه بجد
جماعته ومرشده وشاطره وغباه ؟؟
ياترى هو كان رئيس بجد
ولا كله على الله
ياترى البلد دى هايتعدل حالها
ولا هى حلفة ميت يمين
أنها هاتفضل تقول الاه
والفساد فيها حلم حلم حياة
وبقى أقوى منها يا ولداه
ياترى هى راحت
سكة اللى يروح ما يرجعش
وزى ما في خروف
في كمان حمار وجحش
ولا راحت سكة النجاة
ياترى بكرة جاى وف عينه الضى
ولا دموع وهموم ونكد وأه
أنا الصراحة مش عارف أقول أية
بس ربنا يقوى السيسى ولازم نكونوا معاه


ياترى أية أخرت صبرنا
بعد ما أنكسر ضهرنا
ياترى فى أمل فى بكرة
بالنسبة لنا
ولا بكره نفسه كره نفسه
وكرهنا معاه
ياترى أية أخرت اللى أحنا فيه
والبلد دى بلدنا بجد ولا اشاعات
يا سعادة البية


ياترى البلد دى لنا فيها
ولا ملعون أبو اللى فيها
ولاد ستين أية
ياترى سياسة الاسياد والعبيد راجعة من تانى
و الثورة مش أكتر من أمانى وأغانى
طيب اذا كان الموضوع كدا الناس اللى ماتت ماتت ليه ؟
الشاعر
عبد الحميد بدوى