فيلم روائي قصير


عفوا .. صناع السينما


تأليف :


فوزي يوسف إسماعيل


- 1 –
- عناوينالفيلم ..


م/1 نهار/ داخلي


( غرفة المكتب )
- ممدوح ينتهي من كتابة الفيلم..
يغلق السيناريو ويضع القلم
عليه ..
- يظهر اسم الفيلم على الورق
باسم ( حب المراهقات )
- يقف ويتوسط الغرفة وهو
ينظر إلى السيناريو الموضوع
على المكتب ..يحاول شد أصابعه
ويتمطع قليلا لما يدل على
ارهاقة في الكتابة ..
- يعاود ويمسك السيناريو
وينظر له..ثم يتأمل قليلا
يأخذه ويستدير إلى باب
المكتب ثم يخرج ..


- قطع -



- 2 -
م/2 نهار/ داخلي
( سلم العمارة )
- ينزل ممدوح من سلم العمارة
حيث وجود شقته في الطابق
الثاني..في يده السيناريو..
- تقابله نهلة خطيبته ..
- تسأله .. نهلة على فين يا ممدوح !!
ممدوح رايح أقابل منتج علشان
ينتج لي الفيلم ده ..
- بابتسامة.. نهلة أنت انتهيت منه 00
ممدوح أيوة ..ورايح للمنتج النهاردة
علشان أتفق معاه..
نهلة ربنا معاك ..
ممدوح أيوة ادعيلى ..ربنا لو سهلي
في الموضوع ده ..مشاكلنا
كلها اتحلت ..
نهلة قول يا رب ..
ممدوح يا رب..




- قطع -


- 3 -


م/3 نهار/ داخلي
( مكتب المنتج )
- منظر عام لمكتب المنتج من الخارج..
- لافته مكتوب عليها ..
( شركة حسانين للإنتاج الفني )
- حسانين وممدوح جالسان
في المكتب ..
- حسانين أمامه السيناريو مفتوح.. حسانين هي الفكرة حلوة خالص..
لكن ..
ممدوح لكن إيه ؟!
حسانين أنا لو عملتها بالشكل دا هاخسر
ممدوح مش فاهم ..
حسانين السيناريو لازم يطعم شوية
إثارة ..
ممدوح زى إيه ؟!
حسانين الجنس مثلا ..السيناريو
ما فهوش ولا مشهد جنس .
- بدهشة .. ممدوح إيه ؟!
حسانين أيوة.علشان السيناريو بتاعك
ده يتصور..لازم يكون فيه
مشاهد ساخنة على الأقل .



- 4 -


ممدوح وكدا ما ينفعش ..
- وهو يعطيه السيناريو.. حسانين لاء ما ينفعش ..
- يأخذ منه السيناريو وينهض
واقفا .. ممدوح شكرا ..
- يتجه نحو الباب ..


- قطع -




م/4 نهار/ داخلي
( مكتب أبو العلا )
- لافته مكتوب عليها( مكتب
أبو العلا للإنتاج السينمائي ..)
- أبو العلا وممدوح جالسان
في المكتب ..
- السيناريو أمام أبو العلا.. أبو العلا يا أستاذ أنا اعمل بفيلم زى دى
إيه..الناس ملت من الحكايات
دى..ثم إن الفيلم اسمه حب
المراهقين ..والفيلم ما فهموش
مشاهد جنس..لازم يكون بين
مراهق ومراهقة غلطة نقوم نجدها
على الشاشة تجذب المشاهد ..
ممدوح لكن يا أستاذ أبو العلا ..أنا صغت
الحكاية دى بدون مشاهد جنس
لانى مابحبش أكتب النوعية دى




- 5 -


في كتاباتي .
أبو العلا آه ..أسمع يا أستاذ ممدوح ..
أنت كدا مش هاتمشى في المجال
ده ..لان المنتجين بيعتمدوا على
النوعية دى دلوقتى ..أنا ليه أدفع
مليون أو اتنين مليون جنيه علشان
أعمل فيلم محدش يدخله ..
ممدوح طيب ما هو أيام أنور وجدي ورشدي
أباظة و صباح وكل دول ما كنش
فيها كدا ..
أبو العلا دول كانوا زمان ..أيام الناس
الغاوية..أما اليومين دول محدش
بيدخل السينما إلا الشباب والشباب
عاوز إيه غير كدا ..
- بيأس .. ممدوح يعنى ما فيش فايدة ..
أبو العلا أنصحك لو دخلت شوية
من العرى على كتباتك هاتوصل
بسرعة الصاروخ ..


- قطع -



- 6 –
م/5 نهار / خارجي
( كازينو على النيل )
- ممدوح ونهلة وهما يجلسان
فى الكازينو.. ممدوح ده مبدئي يا نهلة ..ومش
هاغيرها إطلاقا ..
نهلة أنا ما قلتلكش حط حاجات
زى دى في السيناريو..أنا عن نفسي
ضد المبدأ ده ..
ممدوح والعمل ..
نهلة باقولك إيه ..أنا كنت عاوزة
أسالك سؤال ..أنت ليه
اخترت المجال ده ..
- وهو يتطلع إلى سطح النيل ممدوح أجمل شيء في الدنيا إن الإنسان
يعبر عن اللي في قلبه ..
- وهو يلتفت إليها.. وأنا اخترت المجال ده علشان
عندي أفكار كثيرة عاوز أوصلها
للناس .
نهلة أنت يا ممدوح كاتب كويس من
اللي قرأت لهم .. لكن ..المجال
ده صعب شوية ..خصوصا
إن المنتجين بيبصوا للحاجات
التافهة دى .. زى العرى


- 7 –
والجنس والنوعية دى ..
ميهمهوش إلا جمع الفلوس
إنما الفكرة لاء ..
- بمرارة ممدوح أنا وسط حيتان ..
نهلة طيب باقولك إيه ..انت ليه مجربتش
المنتجين الحكومة.
ممدوح قصدك إيه ..
نهلة قصدي واضح ..تروح تعرض الفيلم
على منتجين الدولة ..يمكن حد منهم
يقبله ..
ممدوح والله فكرة ..


- قطع -


م/6 نهار/ داخلي
( شركة الشرق )
- منظر عام لشركة الشرق
للإنتاج الفني والسينمائي
من الخارج ..
- المدير جالسا ومعه السيناريو المدير الفكرة مقدرش أقول عليها أي
وأمامه ممدوح في مكتبه ..
حاجة ..
- ممدوح بفرحة .. ممدوح يعنى فيه أمل ..
المدير انشاء الله ..بس تفوت علينا بعد
أسبوعين كدا ..على ما نعرضها على


- 8 –


الرقابة ونشوف رأيها إيه ..
- بفرحة .. ممدوح ألف شكر ..ألف شكر ..
- ممدوح ينهض ويسلم على المدير المدير مع السلامة ..
وهو خارج ..
- ممدوح يخرج ..بينما المدير
ينظر إلى السيناريو بصمت
رهيب ..


- قطع -


م/7 نهار/ خارجي


( طريق)
- ممدوح ونهلة يسيران في
طريق ببطيء ..
- ممدوح على وجهه الفرحة .. ممدوح الحمد لله ..فكرتك كانت جميلة قوى..
المدير قاللى ابقي فوت علينا بعد
أسبوعين يكون رأى الرقابة طلع ..
- بفرحة نهلة طيب الحمد لله ..شوفت ..مين عارف
يمكن يكون فتحة خير عليك ..
ممدوح حقا يا نهلة لو أتقبلت القصة دى
ها تبقى حلاوتك عندي كبيرة قوى..


- قطع -


- 9-
م/8 نهار/ داخلي
( شركة الشروق)
- ممدوح جالسا أمام المدير العام.. المدير أنا مش عارف أقولك
إيه يا أستاذ ممدوح..الرقابة ماوفقتش
ممدوح ليه ؟!
المدير الرقابة قالت انك لسه مبتدأ ..
علشان كدا كانوا عاملين خطة لإنتاج
مجموعة من الأفلام وخدوا كبار
المؤلفين المعروفين ..
ممدوح يعنى إيه ..يعنى كبار المؤلفين دول
يسيطروا على الأفلام والصغيرين
اللي زينا ملهومش نصيب ..
المدير ده رأى رقابة يا أستاذ
ممدوح ..
- بغضب .. ممدوح رأى تعسفي ..رأى مش في محله..
ليه إنا ما كنش زى الكبار دول ..
ليه ما خدش فرصتي زى
ما همه خدوا فرصتهم أول
ما بدأوا ..ليه كل الأفلام
والمسلسلات همه اللي يخدوها


- 10 -
- ممدوح ينهض واقفا.. ويحرمونا من الظهور ولو لمرة
واحدة ..
المدير أنا مقدرش أقول حاجة ..لكن ..
- مقاطعا .. ممدوح لكن إيه ..المنتجين الخاص يقولوا
عاوزين عرى وجنس علشان
الشباب عاوز كدا ..ومنتجين الحكومة
تنتج للكبار ..أمال فين الوعود الكدابة
اللي ماليا الجرايد والشاشات ..اللي
عمالة تقول ع العمال والبطالة والشباب
هما المستقبل ..الشباب هما التقدم
والتطور ..هما سواعد الأمة ..
فين كل ده ..
- بهدوء .. المدير اهدي بس يا أستاذ ممدوح ..
ممدوح اهدي اهدي إيه ..انتو اللي
بتخلوا الشباب ينحرف وينجرف
نحو المعاصي ..
المدير أنا هاقولك ..
- مقاطعا .. ممدوح خلاص أنا قررت أبدأ مصيري ..


- قطع -


- 11 -
م/9 نهار/ داخلى


( صالة شقة)
- نهلة جالسة في الصالة..
- يدخل ممدوح في يده السيناريو..
وعلى وجهه الغضب
- وهو يجلس ..ويضع السيناريو على
المنضدة الصغيرة وسط المقاعد .. نهلة كالعادة برضه ..ما قبلوش
السيناريو ..
ممدوح أيوة ..
نهلة طيب ليه ؟!
ممدوح لانى لسه مبتدأ ..
نهلة وإيه المشكلة ما دام السيناريو
كويس ..
ممدوح بيقولوا أنهم بينتجوا للكبار
المعروفين ..
- بأسى .. نهلة أي ..
ممدوح طيب ازاى أكون من الكبار دول ..
أنا أتحدى لو دخلت مسابقة
قدام الكبار كلهم بالسيناريو ده..
نهلة أنا عارفه يا ممدوح ..محدش
ها يعرف ايمة السيناريو ده إلا
ما يشوفوه على الشاشة ..


- 12 -
ساعتها كل اللي روحت لهم ها يقولوا
ياريتنا قبلناه ..
- تتنهد اصبر يا ممدوح انشاء الله هيعوض
عليك خير ..


- قطع -


م/10 نهار/ داخلي


(أمام العمارة)
- نهلة تدخل العمارة وعلى وجهها
الفرحة ..


- قطع -


م/11 نهار/ داخلي


(شقة ممدوح)
- ممدوح وقد قطع السيناريو
قطع صغيرة مكومة أمامه..
- جالسا على وجهه اليأس
والغضب ..
- تدخل نهلة عليه مسرعة فرحة.. نهلة ممدوح ممدوح ..أنا لقيت لك منتج ..
سينمائي ومستعد يشترى منك
السيناريو ..
- تنتبه إلى كومة الورق .. إيه ده ..أنت قطعت السيناريو ..
ممدوح أيوة ..


- 13 -
- وهو ينهض .. أنا قررت انى أسرح بشوية
فلايات وخردوات في
العتبة ..
- يتركان الكومة الأوراق تتطاير
ويضع يده خلف ظهرها ويتجهان
نحو الباب ..
- الأوراق تتطاير حتى تفرغ الكومة.
- يظهر عليها عنوان الفيلم ..
( عفوا .. صناع السينما ) ..


- قطع -



- نهاية -



- عناوين ..