تويت
يوليو
بمبادئ ستة حِلِمْنَا .. وِيَـــــــاه
عَ الحلم الحلو اللي .. رسمناه
ومشينا طريق العِزَة مَدَاه
تعليم مجاني وحققناه
إقطاع وف وقتُه خلاص لاغيناه
الراجل قال وإحنا بايعناه
صدقنا فْ يوليو الحلم معاه
بس ده معناه
إننا دِلوقت خلاص خُوناه؟
لَمَنْ سيبناهم
حرقوا الصورة الوطنية ؟!
وقفلنا وِدَانا على استحياء
وصراخ مصانعنا مِدَوِيَّة ؟!
باعوا كُلُه مزاد
وما زاد في جيوب الحرامية !!
على عين التاجر والتُجار
قَصَفُم بُستان لشترا كية !!!
يا وطن مدبوح
تنفُض في الروح
مِن كُتر جروح المِطاطية
إيه باقي
يا حلم زمان فينا؟!
إحنا اللي شبعنا وكفينا
من وجع البطن وسَفِينا
أحلام ساذجة
على وهم طريق الحرية
مين فينا الصح؟
إحنا وهوه؟
والا اللي مزاجهُم عال العال
وعَمَلُمْ راسمال
مِ الرجعية ؟!
ولا عادشى قضاء والا إقامة
من فِعل ولاد المؤذيه !
إقطاع موجود
جبروت موجود
لا ثمر بيجود
ولا حلم بيوم الصباحية
أهو حلم زمان
ويا ريتـُه ما كان
سَرسِب في أيدين الحراميه
بايت في هوان
وقميص عثمان
عدل بتنجان
لا لُه دخل بدين
ولا سبحة ومَسْـكْ مِصَلِيَّه
ولا عاد شي وجود للقومية
ثورة ... ما ثوراش
شِلاه يَا زمَان العِبودية !
الله يرحم
قلبُه الطيب
ظنُه أهو خَيِّب
صاحب أحلامنا الوردية
ـــــــــــــــ[/b][/size][/center][/center]
تعليق