@@@@@@@@@
الود ودي
بقلم //سيد يوسف مرسي
إنك تكون يدي
لا تمشي بعيد
ولا تتعدي مدي
ولا ترفع فراسك فوق
وتعلي قامتك علي قامتي
المثل بيـــــــــــــــقول
مد رجليك علي كد لحافك
تسلم من الحر والبردي
الكبر آفة إياك تخوضه
تطلع بعيد دربي
وتبقي مكروه بين الخلايق
ولا تبقي ليك قيمة عندهم
وعنــــــــــــدي
واندم علي اللي فات
قبل ما تخزن جواجيك
وفيك العيون تبكي
الود ودي
إنك تكون فاهم
ولا تركب قطر العناد
وتقول عــــــــــــدي
إياك تكون فاكر
تقدر تكتب تاريخك
علي ورق بردي
دربك متاهة
نور بصيرتك وقول
(رب اشرح لي صدري )
تشوف طريقك عدل
والقدم فيه يسري
ما ينفع الندم بعد العمل
فين العزيمة قوم واجري
أنت البصير علي نفسك
ألبس قميصك
وإياك تقول
كان أبوي
وكان جدي