تويت
ولم تجف فينا العروق
والكهرباء، من أولى بها؟ دجاجاتهم أم جنودهم من الاغيار.. يا للعار يا للعار والحقارة..*
- يا أهلنا قلعّنا المقول اللي بقول" اتفق العرب أن لا يتفقوا" كنا النموذج لشعبنا من مغربو لمشرقو..
- هيو للعمل تنكمل المسيرة بعزيمة وقوة جبارة، حتى نحقق هدفنا لازم ما تأخذ منا ولا صوت الأحزاب الصهيونية الغدارة.. قبل كل اقتراع تأتي هذه الأحزاب، تزرع البحر مقاثي ثم تتوارى.
- إذا أعطيت صهيون اليد اليمين بدو اليد الشمال مع الإسوارة.. على السلب والنهب مهروق.. بدو يطول قصبتك القلب والطحال وما بتنازل حتى عن المرارة؟!!
- إذا منحته ثقتك وكان الولاء مدلوق, مش رح يجبلك هذا غير قلة التقدير والحقارة.. هذا ما أثبتته التجارب الطويلة واضحة كعين الشمس ما بدها شطارة..
- التصويت للأحزاب الصهيونية ما فيه تحصيل أكثر للحقوق..لأنه بجعلك مثل السيجارة.. بعد ما تحترق بدعسوك تحت أقدامهم في ساحة الحارة..
- التصويت للأحزاب الصهيونية بجعلك في حياتك ما رح تصير مرموق.. رح تبقى في الجيب الصغير.. فراطة ما إلها تقدير بصريح العبارة..
- بجعلك الفرس اللي بطاردوا عليها وسط البيارة..
- بجعلك بيض مسلوق.. بعد ما يأكلوك برموك قشور مع القذارة..
- بجعلك ورق محروق؟!! لا قيمة ولا شيمة.. قوام بتصير رماد وبتروح الحرارة..
- بعد ما تنهي مهمتك رح تكون مبزوق.. يجعلك ما تعرف تسوق.. بتدهور وبتكسر راسك الحجارة..
- بجعلك مزنوق.. نخنخة بدل ما تحافظ على أرضك لابنك بقوة هدارة.
- بخليك بوق. تدافع عن الغدارة.. وقلبك على أرضك محروق.. بخليك مخزوق.. بدل ما كنت مالك ومرزوق.. السعادة الحقيقية مش رح في حياتك تذوق..عذاب الضمير اللي مش رح يخليك تروق.. خسارة بعد خسارة..
- كيف نمنحهم ثقتنا وهنه عم يأخذوا أرضك، وغرامات عَ العمارة.. والكهرباء، من أولى بها؟ دجاجاتهم أم جنودهم من الاغيار.. يا للعار يا للعار والحقارة..*
- لا أمانة لهم حتى لمن يدعون بأنه صديق صدوق..
- التصويت لهاي الأحزاب بجعلك مسحوق.. وتنعيش ونأكل زاد.. صرنا نعتمد عَ الواسطة ورحمة الأوغاد.. خلينا نفهمهم بأننا أحياء ولم تجف فينا العروق، وأننا نحسن الإدارة.. *
- بدنا قيادة تكون مبدئية تكون وصلت عَ موقعها بجدارة.. نفسّها مع أهلها مش على الجاه والمصاري دوارة..
- علينا أن نخرج جميعًا للصندوق لان عدم التصويت فيه مواصلة الاستهتار فينا، انه أكبر خازوق.. الشعلة بدها شوية اجتهاد وشوية شطارة. *
- مع القائمة المشتركة رح نقلب الدفة، القائمة المشتركة هي في هذا الظلام الدامس، الشروق.. هي البيت الدافي لكل الاوادم.. هي المنارة.
تعليق