تويت
ما لقيت حكيم يطبَّ
ما لقيت حكيم يطبَّ
*****************
يمكن نكون غلطان
أو ساقني قضايا وزرب
لاحني ف هاذ الزمان
وتوارا عني وهرب
خلاَّني ف الدَّنيا تيهان
و راح مقنَّت ك يرقب
موجَّد صروف وميزان
ل نفاسي يحصي ويحسب
وآنا ف بحوري غرقان
لكن أنا بآش من ذنب
نتحاسب ومانا غلطان
لوكان ب يدِّي نختار
زماني اللِّي فيه نعيش
كُنت نوقَّع إشعار
ف هاذ الدنيا ماراضيش
ماعاد ف الدَّنيا مايغويني
لا ف عرضها ولا ف الطول
سوادها عمالي عيوني
وشهمني الصُّول ولجول
ضاع ف دروبها عنواني
وضحيت رقم مجهول
مرَّات نتسائل وآش جابني
وما نلاقي جواب معقول
ومرَّات لعقل يخُونِّي
نلقا فكري مسدول
وهو من عادتو يزوَّدني
يمدَّني ب وآش نكتب ونقول
وبسدلو خلاني حيران
وما لقيت حكيم يطبَّ
************
المريني ادريس
القصر الكبير بتاريخ : 19 / 04 / 2015