/وعندك واحد شاى للمعلم الكبير !!!
ايه هو الرئيس ساب الحكم
لا يا شيخ فال الله ولا فالك
ازاى يعنى
انت عارف شويه العيال دول
مالهم
دخلوا السجن!
2/جاءنا النبأ التالى:
الرئيس يزور حقول البطيخ
وحوله رجال المدينه
ويتعهد بأن تتم زراعه البطيخ بشكل دائم
فى ربوع الوطن
كما يتعهد بزراعه الطماطم والبطاطس
ويمنع التصدير
حتى يأكل الغنى قبل الفقير!!!!!
3:شفت اللى حصل يا حسان يا اخويا
ايه تانى
الوزاره يا سيدى
مالها
اتغيرت تانى
يا سلام
عارف مين وزير الثقافه الجديد
مين
ابو رنه كبير الألاتيه
معقوله
وشنبك الشريف
وعارف مين وزير الصناعه
مين
حرامى الحديد
يا نور النبى
ومين بقى وزير الداخليه
ابو خطوه
ياه
حته واحده ده هيخلى ايامنا سوده
4:مالك يا نبوى
العفريت طلع لى تانى
يا راجل بلاش تخاريف
وحياه راس سيدى جابر
ازاى يعنى
كنت ماشى فى حالى طلع وقالى
ابو فتحى مات فى السجن
يا خساره كان راجل محترم
اه والله
وموسى كمان مات وهما بيعذبوه
يا الف خساره
وحمزه
طبعا عارفه
طبعا
كان راجل مثقف واعى
ادى اخره الثقافه
مات مسموم
لا حول الله
5:مالك يا سعاد واقفه عندك كده ليه
اصله معدى هناك اهو
مين ده يا بنت اللى____
حسنين يا امه
يا مجنونه
يا بت خلاص حسنين فقير ماينفعشى ليكى
يعنى احنا اغنيا قوى ما حنا زيه
عشان كده عايزينه غنى
ما غنى الا الله
اقفلى الشباك وتعالى خرطى معايا الملوخيه
ملوخيه تانى
هنعمل ايه على قد فلوسنا
حاضر!!!
6:والنبى يا دكتور ابنى عيان قوى
اعمل له ايه يعنى
دى مستشفى خاصه يا ست
يعنى يموت يعنى
يموت والا ياكله قطر انا مالى
والنبى يا دكتور شوف الولد ده عنيه حمره خالص
روحى يا ستى مستشفى حكومى
معاكى خمس تلاف جنيه
منين
خلاص اللى ممعهوش ما يلزموش
يلى من هنا والا اطلب البوليس!!!!!!
7:شوفوا بقى اللى مشهيجى عندى الدرس هيسقط
يعنى يا استاذ لازم نروح عندك
طبعا يا ابراهيم
الحصه بعشره جنيه بس
هاه هتسمعوا الكلام
حاضر يا استاذ
انتم كام واحد
ثلاثين
تلاتين فى عشره بكام يا حسن
تلتميت جنيه يا استاذ
برافوا عليك يا حسن لمهم وتعالوا بكره
حاضر
7:يا سلام ايوه كده
ايه يا ذكى مكتوب عندك خلاك تنبسط كده
القاضى حكم على سبع ارهابيين بيالاعدام
يا نور النبى حته واحده
طب ودول عملوا ايه
ضربوا نار على الشرطه والجيش
بس كده
وهيه دى شويه يا عرفه
طب واللى سرق البلد تلاتين سنه
وظلم وفسد وطغى
وهو ورجالته عملوا معاهم ايه
طلعوا براءه!!!!!!
يا سلام
يا نور النبى حته واحده
طب ناخد فلوسنا من مين
انت عبيط يا عرفه
بقولك طلعوا براءه
اه طيب!!!!!!
8:ولا تزعلى نفسك
كا اللى هتعمليه هتلبسى عريانه
وتطلعى على خشبه المسرح
وتهزى جسمك
كده دولارات وكده استرلينى
بس انا خايفه قوى
لا انا جنيك يا منى
انت فنانه وان شاء الله هتنجحى
وكل ما ترقصى اكتر وتفهمى وتسمعى الكلام
هتكسبى اكتر
احنا كباريه محترم
وده اول السلم
بكره تتعرفى وترقصى فى السيما
وهتكسبى ملايين
والنبى يا استاذ
طبعا ده انا عزوز
احنا بنقدم فن يا روحى
يلى اطلعى بقى ورينا جمالك
ورى جمهورك رقصك
يلى يا فنانه
حاضر يا باشاا!!!!!
9:شوف يا محمود عشان تكون سياسى ناجح
لازم تكدب وتنافق وتبقى بمليون وش
قصدك العب على كل لون
اسم النبى حارسك
علمنى يا مدرسه
شوف
هتدخل البرلمان هتنجح بالفولوس
هتسرق وبالنص طبعا!!!!
طبعا
هتنتمى لحزب اى حزب
دايما مع الكفه الكسبانه
ازاى
الراى العام بيشتم الحكومه
اشتم الحكومه
تعجبنى
الراى العام بيشكر الحكومه
اشكر الحكومه
تمام
الناس بتتظاهر والدوله مش عايزه
تكون مع الدوله
عارف ليه
ليه
عشان يعيش الوطن ويموت الخونه
مظبوط!
تطلع فى التلفزيون
اقول ايه
تدافع عن الحريات والوطن فى ظل حب الوطن
فهمت
عايزك ناصح سياسى محنك
حاضر يا مدرسه!!!!!!!
10:هو فيه ايه
الناس بتجرى كده ليه
بيقولك واحد اتقتل
اعوذ بالله
ده مين اللى قتله
خناقه يا سيدى
زى كل يوم
ومسكو القاتل
لا طبعا
ليه
عشانه طلع ظابط يا سيدى
هى لسه البلد دى مش هتنضف
................................