تويت
كليلة ودمنة بالبلدي 1
هذه قصة من كتاب كليلة ودمنة أحكيها لكم بالبلدي .. كان ياماكان .. كان فيه قرد انقلبت عليه جبلاية القرود التي كان ملكا عليها فهرب إلى مكان فيه ماء وشجر .. فاختار أن يعيش أعلى شجرة تين .. وفي مرة وهو بيتغدى تين - ماهو ماكانش عنده إلآ التين فطار وغدا وعشا - سقطت منه تينه في الماء وبدلا من أن يكتشف قانون الجاذبية ولا حتى قانون الطفح قصدي الطفو ههه .. لا دا بقى طلع فنان وعجبه قوي صوت التينه لما تسقط في الماء .. وقعد بقى كل شوية يرمي بالتين من فوق علشان يستمتع بموسيقى التين .. في الوقت دا كان فيه سلحفاة راجل قصدي ذكر ودا بقى اسمه في اللغة العربية ( غيلم ) فكل كل ما القرد يرمي بتينه يلتقطها " الغيلم " ومع كثرة التين ظن " الغيلم " ان القرد بيحبه وميت فيه .. فصادقه وقعد عنده مدة طويلة نسي فيها الولية اللي منتظراه في البيت .. قصدي " السلحفاة " اللي قلقت عليه قوي وبدأت في البحث وراه في كل مكان لحد ما قرد ابن حلال اخبرها ان جوزها اللي هو ( الغيلم ) هايص مع القرد وبياكل تين ثلاث وجبات .. فكرت ازاي تجيبوا على ملا وشه وتخليه معشش معاها في البيت .. مفيش طريقة غير أنها تتخلص من القرد صاحبه اللي مخاويه .. عملت نفسها مريضة والطبيب آل ايه وصف لها قلب قرد .. فالغيلم لما رجع وعرف الحكاية فكر ودبر ولم يجد طريقة لإحضار قلب قرد للولية مراته علشان ربنا يشفيها إلآ قلب القرد صاحبه اللى لحم اكتافه من تيــنه .. المهم راح للقرد وقال له أنا والله مكسوف منك قوي ونفسي أجازيك خيرا على التين اللي قدمته لنا هههه تعال معايا زيارة عائلية اعرفك بالمدام والأولاد حيث نعيش في جزيرة كلها فاكهه طيبة بدل التين اللي وجع بطننا وجاب لنا اسهال .. المهم القرد صدقته ومشي معاه وهو الطريق الفار لعب في عب القرد ازاي مااعرفش .. واخد وادى في الكلام معاه لحد ما " الغيلم " افصح عن نيته وقال للقرد أنا عايز منك خدمة ومش ممكن انساها لك أبدا .. فرد القرد عليه أنت تؤمر ياباشا .. قال له أنا بس محتاج قلبك علشان الولية ربنا يخفف عنها وربنا ما يوقعك في ضيقه .. فضحك القرد ضحكة خليعة وقال له ياراجل مش كنت تقول كدا م الصبح قبل ما نمشي من هناك .. أصل احنا معشرالقرود إذا سافرنا تركنا قلوبنا وكلاوينا عند أهلنــا علشان انت عارف اولاد الحرام كتير .. خلاص ياسيدي تعال معايا نرجع تاني وأجيب لك قلبي وفوقه كمان الكلاوي .. ياسلام غالي والطلب رخيص .. وفعلا رجع القرد ومعاه الغيلم ولما وصلوا طلع القرد على الشجرة والغيلم يقول له والنبي ما تتأخر ياشيخ الولية بتموت هات قلبك خليني ألحقها .. فضحك القرد ضحكة خبيثة وقال له انت فاكرني زي الحمار والأسد وبدأ يسرد عليه قصة الحمار والأسد .. بس كفاية عليكم كدا
هذه قصة من كتاب كليلة ودمنة أحكيها لكم بالبلدي .. كان ياماكان .. كان فيه قرد انقلبت عليه جبلاية القرود التي كان ملكا عليها فهرب إلى مكان فيه ماء وشجر .. فاختار أن يعيش أعلى شجرة تين .. وفي مرة وهو بيتغدى تين - ماهو ماكانش عنده إلآ التين فطار وغدا وعشا - سقطت منه تينه في الماء وبدلا من أن يكتشف قانون الجاذبية ولا حتى قانون الطفح قصدي الطفو ههه .. لا دا بقى طلع فنان وعجبه قوي صوت التينه لما تسقط في الماء .. وقعد بقى كل شوية يرمي بالتين من فوق علشان يستمتع بموسيقى التين .. في الوقت دا كان فيه سلحفاة راجل قصدي ذكر ودا بقى اسمه في اللغة العربية ( غيلم ) فكل كل ما القرد يرمي بتينه يلتقطها " الغيلم " ومع كثرة التين ظن " الغيلم " ان القرد بيحبه وميت فيه .. فصادقه وقعد عنده مدة طويلة نسي فيها الولية اللي منتظراه في البيت .. قصدي " السلحفاة " اللي قلقت عليه قوي وبدأت في البحث وراه في كل مكان لحد ما قرد ابن حلال اخبرها ان جوزها اللي هو ( الغيلم ) هايص مع القرد وبياكل تين ثلاث وجبات .. فكرت ازاي تجيبوا على ملا وشه وتخليه معشش معاها في البيت .. مفيش طريقة غير أنها تتخلص من القرد صاحبه اللي مخاويه .. عملت نفسها مريضة والطبيب آل ايه وصف لها قلب قرد .. فالغيلم لما رجع وعرف الحكاية فكر ودبر ولم يجد طريقة لإحضار قلب قرد للولية مراته علشان ربنا يشفيها إلآ قلب القرد صاحبه اللى لحم اكتافه من تيــنه .. المهم راح للقرد وقال له أنا والله مكسوف منك قوي ونفسي أجازيك خيرا على التين اللي قدمته لنا هههه تعال معايا زيارة عائلية اعرفك بالمدام والأولاد حيث نعيش في جزيرة كلها فاكهه طيبة بدل التين اللي وجع بطننا وجاب لنا اسهال .. المهم القرد صدقته ومشي معاه وهو الطريق الفار لعب في عب القرد ازاي مااعرفش .. واخد وادى في الكلام معاه لحد ما " الغيلم " افصح عن نيته وقال للقرد أنا عايز منك خدمة ومش ممكن انساها لك أبدا .. فرد القرد عليه أنت تؤمر ياباشا .. قال له أنا بس محتاج قلبك علشان الولية ربنا يخفف عنها وربنا ما يوقعك في ضيقه .. فضحك القرد ضحكة خليعة وقال له ياراجل مش كنت تقول كدا م الصبح قبل ما نمشي من هناك .. أصل احنا معشرالقرود إذا سافرنا تركنا قلوبنا وكلاوينا عند أهلنــا علشان انت عارف اولاد الحرام كتير .. خلاص ياسيدي تعال معايا نرجع تاني وأجيب لك قلبي وفوقه كمان الكلاوي .. ياسلام غالي والطلب رخيص .. وفعلا رجع القرد ومعاه الغيلم ولما وصلوا طلع القرد على الشجرة والغيلم يقول له والنبي ما تتأخر ياشيخ الولية بتموت هات قلبك خليني ألحقها .. فضحك القرد ضحكة خبيثة وقال له انت فاكرني زي الحمار والأسد وبدأ يسرد عليه قصة الحمار والأسد .. بس كفاية عليكم كدا
تعليق