تويت
** لسه مستني الربيع **
********************
قسما بكل المشنوقين ...
على باب عينيكي الطيبة
وبكل حي وكل ميت ..
مدفون ف ارضك من سنين
عذرا لكل اللي اتنسوا ..
واتلَبِسوا عشقك زمن
بس التمن..
كان نعي مجهول الملامح
شوهوه الكدابين
تبا لكل اللي اشتكوا واللي بكوا..
واللي حكوكي سنين الم
وبيضربوكي ب 100 قلم ..
من فوق سطور الحكايين
صمتا يا كل تجار الذمم
يا ملوثين الطهر يا شوية رمم
انا مش صنم
ولا كنت يوم بينكم بجم
ولا حتى م المتلونين
انا عشقي ليها مش مجرد تمثيلية
ومسرحية وكان وكنا
ولا هو سنة مؤكدة
بس الحقيقة عشقها...
كان فرض عين
كافر انا بكل الحروف..
اللي في غرامك ساخرة لو هزتك
وبكل ترتيل البغايا ..
لو حتى كان حسن النوايا ف حضرتك
ملعونة ثورة وكام مظاهرة..
وثورجية وبلطجية وافاقين
عروكي بسم العدل والحق المبين
وبيجلدوكي بإسم حرية
باعوا القضية يا بهية
وضحى بيكي النخاسين
والاسم دين
انا كنت ايه او حتى مين
علشان اعاتب او اقول صح وغلط
ضهري اتجلد ف سنين شتاكي..
ولسه مستني الربيع
انا حلم قبل ما يتولد فيكي اتوأد
لكني مش ممكن ابيع
لا انا كنت م السادة ولا الاسياد
ويادوب مجرد فرد من ضمن العبيد
اوقات بتقسي عليا وتحني
واما تدعي زي ام على عيل شقي
تستغفري ف السر ربك الف مرة...
وتكرهي كل اللي بيقولك امين
********************
قسما بكل المشنوقين ...
على باب عينيكي الطيبة
وبكل حي وكل ميت ..
مدفون ف ارضك من سنين
عذرا لكل اللي اتنسوا ..
واتلَبِسوا عشقك زمن
بس التمن..
كان نعي مجهول الملامح
شوهوه الكدابين
تبا لكل اللي اشتكوا واللي بكوا..
واللي حكوكي سنين الم
وبيضربوكي ب 100 قلم ..
من فوق سطور الحكايين
صمتا يا كل تجار الذمم
يا ملوثين الطهر يا شوية رمم
انا مش صنم
ولا كنت يوم بينكم بجم
ولا حتى م المتلونين
انا عشقي ليها مش مجرد تمثيلية
ومسرحية وكان وكنا
ولا هو سنة مؤكدة
بس الحقيقة عشقها...
كان فرض عين
كافر انا بكل الحروف..
اللي في غرامك ساخرة لو هزتك
وبكل ترتيل البغايا ..
لو حتى كان حسن النوايا ف حضرتك
ملعونة ثورة وكام مظاهرة..
وثورجية وبلطجية وافاقين
عروكي بسم العدل والحق المبين
وبيجلدوكي بإسم حرية
باعوا القضية يا بهية
وضحى بيكي النخاسين
والاسم دين
انا كنت ايه او حتى مين
علشان اعاتب او اقول صح وغلط
ضهري اتجلد ف سنين شتاكي..
ولسه مستني الربيع
انا حلم قبل ما يتولد فيكي اتوأد
لكني مش ممكن ابيع
لا انا كنت م السادة ولا الاسياد
ويادوب مجرد فرد من ضمن العبيد
اوقات بتقسي عليا وتحني
واما تدعي زي ام على عيل شقي
تستغفري ف السر ربك الف مرة...
وتكرهي كل اللي بيقولك امين
تعليق