طلعنا سوا في الباص صبحيّة وما كان تقعد غير ع قبالي
حكيت معاي بكلّ حنّية تسأل عن الأخبار واحوالي
وبحّة نغم في الصوت مخفيّة فيها موسيقى ونغم موّالي
وعيون مثل البدر مضويّة وهالة كحل ع رموش بتلالي
طلّة قمر وخدود ورديّة وامواج شعرا بفيض شلال
ما كان فيّي زحزح عنيّي وما كان شكلا يروح عن بالي
مالت بجسما تشوف شو فيّي ويمكن قصدها تقول شو مالي
عم ينحشر فستانها شويّة وازرار عم بتشدّ ع غلالة
يمكن ضايقها الحرّ صيفيّة والحمّ عم يسري في أوصالي
وبلعت ريقي وقلت يا بنيّة دخلك دخيلك ارفقي بحالي
شدّت بايدا خيوط ملويّة ع حفاف صدرا تشدّ طوّالي
وزوج زغاليل زغار محميّة جوّا القفص ع شباك شيّالة
عم ينقروا ويخزّقوا الطيّة تا يفلتوا من قيود كبّالة
تميت صافن زغزغ النيّة والنار عم تحرق على ذيالي
وقامت بخفة دم عفويّة وتقول بدّي شوف اشغالي
مثل الغزالة الواردة الميّة هفّت بريحة عطرها الغالي
ظلّيت قاعد ما بقى فيّي وبقيت وحدي صافن بحالي
وصوت الشوفير يقول يا خيّي آخر محطة ما بقى تالي