الشعب المصري

سعود القويعي

عضو الملتقى

تاريخ التسجيل: 05-08-2008

المشاركات: 92
- مشاركة
- تويت
#1

الشعب المصري

05-08-2008, 20:09

[frame="1 80"]
الشعب المصري جبار ...
يصبر عالبرد ولسع النار
النكته عنده سبيل التنفيس
ويقلب مأساته وغلبه هزار
كل اللي مروا عليه ظلموه من قبل فؤاد
لحد اليوم يطالب بالتار

حياته وغلبه مش بكيفه مش بهواه
مش هو اللي اختار
كل ذنبه انه نام بدري ...
وماشافشي طلوع النهار
صحيوا اللي ظلموه قبليه
واكلوا الكحك والكافيار

وهو ياعيني عليه
حتى المش مقدرشي عليه
ياناس لحد إمتى
هو اللي بيصنع وهو اللي بيدّي
وفي الآخر برضه ماخادشي نصيبه
وهو اللي الحق عليه؟

يعني يسيب بلاده واهله
واللي شقيوا عليه؟
ويسافر ويتغرب ..
هي البهدله مكتوبه في عنيه؟
دي بلده بلد الخير ...
بلد تأكّل اهلها والبلاد اللي حواليه

لكن تعمل ايه وتقول ايه
اصل نابليون لما جِـه
كان غازي
وماهموش المصري هاياكل ايه
عشان كده ربنا انتقم منه
وفي واترلو هربوا اللي حواليه

وكل اللي مروا على مصر
ماتوا وبقيت مصر واقفه
وتناضل وتقول للشرق والغرب
انا الباشا وانا البيه
تعالوا ياللي ظلمتوني
شوفوا ولادي رغم القسوه
بيحبوني ويموتوا فيّـا قد ايه !

عشان الأصيل عمره مايتغير
ولا يسأل في جيوبكم ايه؟
هي اللي بتعطي وهي اللي بتكرم
والباقي عمل ايه؟
ماخدناش منكم غير الملامه
وفي الآخر
تيجوا عندي وتكدبوا علــيّ وتقولوا ...
احنا يامصر نحبك
واللي يعاديكي هانعاديه
[/frame]

محاولة متواضعه لمحاكاة شعر امير الزجل بيرم التونسي
تحياتي

[CENTER][URL=http://5oof.com/view/21320][IMG]http://5oof.com/files/0a3f0b5a.gif[/IMG][/URL][/CENTER]
[CENTER][URL=http://5oof.com/view/21319][IMG]http://5oof.com/files/fe730aed.gif[/IMG][/URL][/CENTER]
الكلمات الدلالية (Tags): لا يوجد

الشعب المصري

ما الذي يحدث