( لسه بتسأل )
وأنت قايلي
بلسان الحال
دنيا عضوضة
غير مظبوطة
متساوي بعوضة
بتشرب بوظة
واللي عايزها
راجل تلفان
***
لسه بتسأل
اللي ها يمشي
ياما ها يشوف
واحد أقرع
والتاني مكشوف
ياما ها يسمع
ياما ها يلاقي
كلام مخلوف
واحد فوق
واحد تحت
وواحد نازل
فيها يطوف
أصل الدنيا
يا أخويا ظروف
****
لسه بتسأل
شوف بعينك
وقلي يا خلي
إيه الصنف
اللي عجبك عندي
أصل الدنيا
بذور وتقاوي
واحد يغني
واحد يلاوي
وواحد فيها
عامل حاوي
واللي جاهلها
راكب صارى
أو مقطوع
من الجرانيت
وردي وأسود
كالعفريت
حتى الرملة
حداه كبريت
ماشي مصاصي
هو العاصي
وعارف إن الأمر أكيد
*****
لسه بتسأل
أدي الدنيا
وأدي أحوالها
فيها الطين
وفيها النار
فيها ألفاضي
كالفخــــــار
فيها الفقري
أبو منقار
واللي برجله
ماشي حفار
واللي بيلعب
لعب الفار
فيها
الطيب والغدار
ربك عالم
عالم بالأحوال
حكمة في خلقه
خالق الجنة
وخالق النار
والعصفور
يقدر يختار
بين الدرب
وبين الغار
بين الصافي
والمكار
أوعي تتوه
في الأدغال
لسه بتسأل
ولا محتار
أدي زمانا
زمن العار
أمة وراحت
الله يخلف
إياك تحلف
لسه الدنيا
فيها عمار
****
كان نفسي أجاري
وأريح حالي
واحكي حكاية
تكون موال
***
لكن نفسي قصير
جوه البير
من كتر مشاغلي
وأبدي لخوي
جليل الاعذار
***
مع جميل حبي